ეკონომიკისა და მდგრადი განვითარების მინისტრის, ნათია თურნავას განცხადებით, „ნამახვანი ჰესის“ საკითხზე, სამუშაო ჯგუფებს შორის, უკვე ორი სამუშაო შეხვედრა შედგა.
საქართველოს პრემიერ-მინისტრ ირაკლი ღარიბაშვილის ხელმძღვანელობით, მთავრობის ადმინისტრაციაში მთავრობის სხდომა გაიმართა. მინისტრთა კაბინეტმა დღის წესრიგით გათვალისწინებული 9 საკითხი განიხილა.
“აპირებს თუ არა “ნაციოანლური მოძრაობა” ვარდების რევოლუციის მსგავსი სცენარის გათამაშებას და რას ნიშნავს ოპოზიციის ზოგიერთი ლიდერის მიერ 13 ნოემბრის აქციაზე გაკეთებული განცხადება, რომ მომდევნო 10 დღეს ქვეყნისთვის მნიშვნელოვანი და გადამწყვეტი იქნება? ანალიტიკოსთა აზრით, ოპოზიციამ სწორედ ე.წ. ფერადი რევოლუციების სცენარი აირჩია და გადამწყვეტი მოქმედება შესაძლოა სწორედ ვარდების რევოლუციის მე-18 წლისთავზე - 23 ნოემბერს ჰქონდეს დაგეგმილი. ენმ ქვეყნის მასშტაბით კვლავ აგრძელებს აქციების სერიას ლოზუნგით “ვარყიოთ რეჟიმი სანამ არ ჩამოიშლება”, - წერს გაზეთი “რეზონანსი” სტატიაში, სათაურით ღია მინიშნებები “ვარდების რევოლუცია 2”-ზე - რას აპირებს “ნაციონალური მოძრაობა”.
“პარტიის ლიდერები აცხადებენ, რომ ამან გარკვეული შედეგები უკვე გამოიღო, ენმ-ის თავმჯდომარე ნიკა მელია კი მხარდამჭერებს კვლავ ქუჩაში გამოსვლისკენ მოუწოდებს და უკმაყოფილოა იმით, რომ ხალხი გარეთ მასობრივად არ გამოდის. მისი მხარდამჭერები ენმ-ს პირიქით საყვედურობენ, რომ აქციის მონაწილეები არ უნდა იშლებოდნენ და ქუჩაში კარვების გაშლაა საჭირო. “ანალიტიკოსები ამბობენ, რომ, “ნაცმოძრაობის” გეგმა ზუსტად ხავერდოვანი რევოლუციის მზა რეცეპტია, რომელსაც მიჰყვებიან. ხოლო ამ გეგმის განხორციელება მეტწილად ხელისუფლებისა და მიხეილ სააკაშვილის ქმედებებზე იქნება დამოკიდებული”, - აღნიშნავს გამოცემა.
“ამათ არ ესმით სხვა ენა, გარდა ქუჩაში გამოსული მოქალაქისა. ამიტომ ახლა აღარაა დრო მხოლოდ არც სოციალური ქსელების, არც პასიური ნერვიულობისა და გულშემატკივრობის. არც ამათი დამუნათების. დამუნათება შეიძლება იმის, ვისაც მილიგრამი სინდისი მაინც შერჩა! მათი გადარწმუნება შეუძლებელია! ისინი უნდა დავამარცხოთ ერთად! რას იზამს ოპოზიცია? - ოპოზიცია შენ ხარ! ქუჩებში გამოსვლის დროა! თუ დღეს არ გადავდებთ ყველაფერს, ხვალ ვინანებთ, რომ ჩაგვითრიეს რუსულ ჭაობში! ჩვენ თვალწინ მრავალი წლით წამართვეს სამოქალაქო მშვიდობა! ამათი ენა სამოქალაქო ომის ენაა და ამის გაჩერება მხოლოდ ათიათასობოთ ჩვენი მოქალაქის მტკიცე, მწვავე და არაძალადობრივ პროტესტს შეუძლია! გულით გინდა ქვეყნისთვის კარგი? გამოდი ქუჩაში. გულით გინდა რომ არ თელავდნენ ქვეყნის ღირსებას? გამოდი ქუჩაში. გულით გინდა მკვლელობას არ გაყურებინონ? გამოდი ქუჩაში! სისტემა უკვე ირყევა და და შენი ქუჩაში გამოსვლით ჩამოინგრევა კიდეც! ახლა მთავარია ჩვენი სიმტკიცე და დაუღლელობა - არ არსებობს ცალკე ოპოზიცია!“ - წერს ნიკა მელია სოციალურ ქსელში. აქვე მას ენმ-ის მხადამჭერები საყვედურობენ, რომ აქციების დაშლა არ უნდა მოხდეს და ხალხმა ღამე ქუჩაში კარვებში უნდა გაათენოს, რადგანაც აქციების მუხტი ეცემა. მელია კი პასუხობს, რომ ხალხი სახლში თავად მიდის და ქუჩაში არ რჩებიან”, - განაგრძობს გამოცემა.
“არ დაგვშალოთო ვინც მწერთ, 8 ნოემბერს შეგახსნებთ - 95% სახლში წავიდა! ყოველდღიური უწყვეტი, არაძალადობრივი აქციებია გამოსავალი, დანარჩენი კი პოსტში მიწერია”, - პასუხობთ მელია. ოპოზიციის კიდევ ერთი ლიდერი გიგი უგულავა კი ამბობს, რომ ეს ათი დღე ყველაზე კრიტიკული და გადამწყვეტი იქნება. “ჩვენ ვხედავთ, ყოველდღიურად “ქართული ოცნება” უკეტავს კარს ევროპას და უნდა გვესმოდეს - ქვეყანა, რომელიც კარს უკეტავს ევროპას, ის კარს უღებს რუსეთს. “მომდევნო ათი დღე იქნება უკიდურესად კრიტიკულად მნიშვნელოვანი საქართველოს ისტორიაში”, - ამბობს გიგი უგულავა. ანალიტიკოსი რამაზ საყვარელიძე “რეზონანსთან” აცხადებს, რომ ოპოზიცია პირდაპირ მზა რევოლუციური რეცეპტებით მოქმდებს და მათ უნდათ, რომ ხელისუფლება რაიმე პროვოკაციაზე წამოაგონ. სწორედ ამიტომ, სიტუაციას მედიის დახმარებით მაქსიმალურად ძაბავენ. პატარ-პატარა ჯგუფებით სახელმწიფო დაწესებულებებთან პროვოკაციებს აწყობენ, რათა “ოცნებას” ნებისყოფამ უმტყუნოს და ეს შემდეგ ხალხის მასობრივად ქუჩაში გამოყვანის საბაბად აქციონ”, - დასძენს გამოცემა.
“რევოლუციას ორი მნიშვნელოვანი ფაქტორი სჭირდება - ქვეყნის შიგნით ხალხის და ქვეყნის გარეთ დასავლეთის მხარადჭერა. არც ერთი ეს მხარდაჭერა “ნაციონალებს” არ აქვთ. როდესაც ამბობენ, რომ 10 დღეა კრიტიკული და შესაძლოა ვარდების რევოლუციის გათამაშება უნდოდეთ, არ გამოუვათ. 2003 წელს ვარდების რევოლუცია სააკაშვილმა კი არ დაგეგმა და განახორციელა, არამედ დასავლეთმა, რომელმაც მთავარი როლის შემსრულებლად სააკაშვილი ათამაშა. ახლა, თუ კარგად დააკვირდებით, დასავლეთი დუმს. ამერიკა სააკაშვილს არ გულშემატკივრობს, რადგანაც მისი ისევ ხელისუფლებაში დაბრუნება არ უნდა. მათ არ სურთ ერთპარტიული მმართველობა ისევ იგივე მმართველობით ჩაანაცვლონ. ხედავთ ხალხის რეაქციასაც - არც მათ უნდათ სააკაშვილის ხელისუფლებაში დაბრუნება. ამიტომ ყველაფერი ახლა “ოცნებაზეა” დამოკიდებული“, - აცხადებს გამოცემის კორესპონდენტთან საუბრისას რამაზ საყვარელიძე.
“მისივე თქმით, 2009 წელს ოპოზიციას ხალხის იმაზე ოჯერ მეტი მხარდაჭერა ჰქონდა ვიდრე ახლა აქვთ. თუმცა მაშინ მიხეილ სააკაშვილმა აირჩია ტაქტიკა, რომ რუსთაველზე დაბანაკებულ და კარვებში მცხოვრებ ოპოზიციისთვის ყურადღება არ მიექცია. ამიტომაც ოპოზიცია თავად აილაგმა და ისეთი დეგრადაცია განიცადა, რომ ვიდრე ივანიშვილი არ გამოჩნდა, მათი გაერთიანება ვერავინ ვეღარ შეძლო. “ოცნებამაც” ახლა ამ წნეხს თუ გაუძლო, ენმ არათუ ახალი რევოლუციის ორგანიზებას შეძლებს, არამედ რიგებში ისეთი რეღვევა დაეწყება, რომ სერიოზულ კრიზისამდე მივა. ანალიტიკოსი ზაალ ანაჯარიძე კი ფიქრობს, რომ ენმ-მ დაინახა აქიებზე მოსახლეობის დიდი რაოდენობა რომ არ მიდის და ამიტომაც გადაწყვიტა 100-150-კაციანი ჯგუფებით ხელისუფლების სტრუქტურები პარალიზება და გამოფიტვა. ანალიტიკოსი ამბობს, რომ ეს არის ფერად რევოლუციებში ნაცადი მეთოდი”, - წერს სტატიის ავტორი.
“სახელმწიფო დაწესებულებების მუშაობის შეფერხებისას, როგორც ეს ზურაბ-გირჩი ჯაფარიძემ და მისმა პარტიის წევრებმა გააკეთეს, გარკვეული საპოლიციო რესურსის მობილიზებაა საჭირო. ამის პარალელურად კი პოლიციელებზე ემოციურად მოქმედებენ. ვნახეთ პოლიციელებზე ფსიქოლოგიურად როგორ თამაშობენ და ეუბნებიან, რომ მათი უფროსები მილიონერები არიან, ამათ კი გროშებს უხდიან. ამას კი იმ იმედით აკეთებენ, რომ პოლიცია რაღაცა მომენტში გატყდება, გამოიფიტება და იტყვის, რომ საკუთარ მოვალეობებს აღარ შეასრულებენ. რაც ხდებოდა მაიდანზე და ბელორუსიის არშემდგარი რევოლუციისას, “ნაციონალები” ზუსტად იმეორებენ. თუმცა ამ ყველაფერს ხელისუფლებამ უნდა გაუძლოს. ერთის მხრივ, შეიძლება ოპოზიციის მხარდამჭერები დაიღალონ და თქვან, რომ ამ პატარა აქციებს არაფერი შედეგი არ მოაქვს, აქციების აზრი ვეღარ დაინახონ. ხოლო მეორე ვარიანტია, თუკი ხელისუფლებამ შეცდომები დაუშვა, მაშინ უკმაყოფილო ხალხის რიცხვი ქუჩაში გაიზრდება. კიდევ ბევრი რამ სააკაშვილზე იქნება დამოკიდებული”, - მიიჩნევს გამოცემის კორესპონდენტთან საუბრისას ზაალ ანჯაფარიძე.
ასი ათას მოსახლეზე კორონავირუსის გავრცელების მაჩვენებლით საქართველო მსოფლიოში მეექვსე ადგილზეა. ამას მოწმობს გამოცემა New York Times-ის მიერ გამოქვეყნებული მონაცემები.
Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 20 166 ტესტი, გამოვლინდა ინფიცირების 1 820 ახალი შემთხვევა, გამოჯანმრთელდა 6 017 პირი, დადებითობის დღიური მაჩვენებელი არის 9.03%.
საქართველოს ყოფილი პრემიერ-მინისტრის, გიორგი კვირიკაშვილის განცხადებით, მესამე პრეზიდენტი, პატიმარი მიხეილ სააკაშვილი სახელმწიფომ უნდა უზრუნველყოს იმ სტანდარტის სამედიცინო მომსახურებით, რომელიც მისი მკურნალი ექიმების მიერაა მოთხოვნილი.
გელათის ღვთისმშობლის მიძინების სახელობოს ტაძარი მომლოცველებისა და ვიზიტორთათვის კვლავ დაკეტილია.
ე.წ. ციანიდის საქმეზე მსჯავრდებული დეკანოზი გიორგი მამალაძე პენიტენციური დაწესებულებიდან კლინიკაში გადაიყვანეს.
დეკანოზი გიორგი მამალაძე გლდანის მე-18 დაწესებულებიდან "ვივამედში" გუშინ, ღამის 3 საათისთვის გადაიყვანეს.
ამ დროისთვის უცნობია, რა არის კონკრეტული მიზეზი, რის გამოც დეკანოზის ჰოსპიტალიზაცია გახდა საჭირო.
თორნიკე მამალაძის ინფორმაციით, მისი ძმა უფრო ცუდადაც ყოფილა და ის მოთხოვნის მიუხედავად კლინიკაში არ გადაუყვანიათ.
"სამი წელია მე-18 დაწესებულებაში იმყოფება და ეს დაწესებულება პირდაპირი მნიშვნელობით არის სასაკლაო. 3 წლის განმავლობაში პარალიზებულ მდგომარეობაშია და არანაირი მკურნალობა არ ჩატარებულა, რადგან რესურსი არ გააჩნია ამ საავადმყოფოს.
მითხრეს, რომ გადმოყვანილია "ვივა მედში", მაგრამ გადმოყვანის მიზეზი უცნობია. თუ ეს არის თემების გადაფარვის მცდელობა, ჩემი ძმა ამ ბინძურ საქმეში არ აჰყვება მათ", - განაცხადა თორნიკე მამალაძემ.
დეკანოზის ძმის თორნიკე მამალაძის თქმით, დეტალები მას შემდეგ გახდება ცნობილი, რაც ადვოკატი კლინიკაში შევა და გიორგი მამალაძეს მოინახულებს.
დღევანდელი მონაცემებით, ჩატარდა 38 817 ტესტი, გამოვლინდა ინფიცირების 3 700 ახალი შემთხვევა, გამოჯანმრთელდა 5 277 პირი, დადებითობის დღიური მაჩვენებელი არის 9.53%.
მიხეილ სააკაშვილის პირადი ექიმი ნიკოლოზ ყიფშიძე ამბობს, რომ დღეს იყო პირველი დღე, როდესაც მესამე პრეზიდენტი ლოგინიდან ვერ ადგა.
