პარლამენტის სასახლეში სადემონსტრაციოდ განკუთვნილი ნივთების (ბანერის, პოსტერისა და სხვა), აგრეთვე ხმის გამაძლიერებელი და ხმოვანი სიგნალის მოწყობილობების პარლამენტის აპარატის ნებართვის გარეშე შეტანა დაუშვებელი იქნება.
ბატონო ბუშო, დარღვევისთვის საკუთარ პრეზიდენტს ასამართლებთ - იქნებ, ეს თემა მოიკითხოთ - პარლამენტზე შტურმი და „მოლოტოვის კოქტეილებით“ დევნის გამოა კითხვები და გამოძიება, თქვენ ადამიანები უკვე დაიჭირეთ, ეს ამერიკაში შესაძლებელია და საქართველოში დემოკრატიაზე თავდასხმაა?! - ეტყობა, ეს წერილი თქვენი დაწერილი არ არის ან ამ თემაში სიღრმისეულად არ ხართ შესული, თორემ, ასეთ წერილს არ დაწერდით, - ეს განცხადება პარლამენტში „ქართული ოცნების“ დეპუტატმა ირაკლი ზარქუამ ქართველი ხალხისადმი აშშ-ის ყოფილი პრეზიდენტის, ჯორჯ ბუშის მიმართვის პასუხად გააკეთა, რომელიც თბილისში მიმდინარე საერთაშორისო უსაფრთხოების კონფერენციაზე, ჯორჯ ბუშის ინსტიტუტის დირექტორმა, დეივიდ კრამერმა წაიკითხა.
ხალხი არ აპატიებს მათ, ვინც პარტიის დაყოფაზე მუშაობს, არც მე და არც ჩვენი ხალხი ამას არ დავუშვებთ, - ამის შესახებ მესამე პრეზიდენტი, მიხეილ სააკაშვილი „ნაციონალურ მოძრაობასთან“ დაკავშირებით წერს.
შარშან მან [პრეზიდენტმა] თქვა ყველაზე მეტად შემაშფოთებელი რამ, რომ „საქართველო არ იმსახურებდა კანდიდატის სტატუსს“. ამ განცხადების მოსმენის შემდეგ, გაუმართლებელი იქნებოდა ჩემი მხრიდან მისთვის გარკვეული უფლებამოსილების დელეგირება, - ამის შესახებ პრემიერ-მინისტრმა ირაკლი ღარიბაშვილმა განაცხადა და ის მიზეზი განმარტა, რის გამოც მთავრობამ პრეზიდენტს ევროპაში ვიზიტების განხორციელების ნება არ მისცა.
„ქართული ოცნების" მიერ წამოწყებული ეს ავანტიურა, რასაც ჰქვია საქართველოს პრეზიდენტის იმპიჩმენტის პროცედურის დაწყება, სრულ თანხვედრაშია რუსეთის ხელისუფლების ინტერესებთან, - ამის შესახებ ჟურნალისტებს „ლელოს“ ერთ-ერთმა ლიდერმა ბადრი ჯაფარიძემ განუცხადა.
ეს იყო კონსტიტუციის განზრახ დარღვევა, ვინაიდან პრეზიდენტმა თანხმობისთვის მთავრობას მიმართა, უარი მიიღო და მიუხედავად უარისა, მაინც გაემგზავრა, რაც კონსტიტუციის განზრახ დარღვევა გახლავთ, - ამის შესახებ საქართველოს პარლამენტის თავმჯდომარემ, შალვა პაპუაშვილმა განაცხადა.
ფინანსთა სამაინისტრის საგამოძიებო სამსახურის ინფორამაციით თბილისში მოქმედი სავარაუდო დანაშაულებრივი ე.წ. ქოლ-ცენტრი გამოავლინეს. უწყების უთანახმად თბილისში მოქმედი ე.წ. ქოლ-ცენტრის ოფისი, იქ დასაქმებული 20-მდე თანამშრომლის მეშვეობით ახორციელებდა საეჭვო საქმიანობას.
ჩვენ წინ გველოდება მძიმე თვეები შემდეგ არჩევნებამდე, რადგან ცხადია, რუსეთი და მათი მოკავშირეები ჩვენს ქვეყანაში პოზიციების მარტივად დათმობას არ აპირებენ, - ამის შესახებ „ლელოს“ ერთ-ერთმა ლიდერმა, დეპუტატმა სალომე სამადაშვილმა ჩოხატაურში განვითარებულ მოვლენებთან დაკავშირებით ჟურნალისტებთან განაცხადა.
თურქეთის სამხრეთ-დასავლეთ ნაწილში, ქალაქ დენიზლიში ორი ავტოსაგზაო შემთხვევა მოხდა, რის შედეგადაც 11 ადამიანი დაიღუპა და 95 დაშავდა, - ინფორმაციას თურქული მედია ავრცელებს.
ვფიქრობ, იმპიჩმენტის პროცედურა არის შეცდომა. ჩემი აზრით, ეს არის მთავრობის მხრიდან მცდელობა, ძირი გამოუთხაროს საქართველოს ევროკავშირის წევრობის კანდიდატის სტატუსს და ის არ შეესაბამება საქართველოს პოლიტიკას სტატუსის მოსაპოვებლად საჭირო რეფორმების გატარების შესახებ, - ამის შესახებ აშშ-ის სახელმწიფო დეპარტამენტის ყოფილმა მაღალჩინოსანმა და ჯორჯ ბუშის ინსტიტუტის გლობალური პოლიტიკის დირექტორმა, დევიდ კრამერმა განაცხადა, რომელიც თბილისში საერთაშორისო კონფერენციას - „პუტინიზმის დამარცხება" - ესწრება.
