120-ზე მეტი ქვეყანა COVID-19-ის მიზეზების გამოძიებას ითხოვს
ავსტრალიის მოწოდებას კორონავირუსის მიზეზების დამოუკიდებელ გამოძიებასთან დაკავშირებით 120-ზე მეტმა ქვეყანამ დაუჭირა მხარი.
მიუკერძოებელი გამოძიების მხარდამჭერთა შორისაა აფრიკის 54 სახელმწიფოც. საკითხზე კენჭისყრა 19 მაისს გაიმართება. ავსტრალიის გადაწყვეტილებაზე უარყოფითი რეაქცია უკვე ჰქონდა პეკინს, რომელმაც საბაჟო გადასახადი ქერზე მკვეთრად გაზარდა და საქონლის ხორცის იმპორტირება ჩინეთში ნაწილობრივ შეაჩერა.
ევროკავშირის წინადადებას კრონავირუსის წარმოშობისა და მასზე ჯანდაცვის მსოფლიო ორგანიზაციის რეაგირებაზე მიუკერძოებელი, დამოუკიდებელი გამოძიების ჩატარების შესახებ წინადადებას ევროპული ქვეყნები და ავსტრალია შეუერთდნენ. ევროკავშირის დოკუმენტში კონკრეტულად არ არის ნახსენები ჩინეთი ან ქალაქი ვუჰანი, სადაც ვირუსი აფეთქდა და მსოფლიო პანდემიად იქცა. მიუხედავად ამისა, როგორც ავსტრალიის მთავრობაში აცხადებენ, ევროკავშირის დოკუმენტის ენა საკმაოდ მკაცრია და ეს საკმარისია საფუძვლიანი გამოძიების დასაწყებად. ავსტრალიური მხარის განცხადებით, ეს კორონავირუსის გამოძიების საქმეში გამჭვირვალობის უზრუნველსაყოფად პირველი ნაბიჯი იქნება.
ამ ეტაპზე ჩინეთსა და ამერიკის შეერთებულ შტატებს წამოყენებული წინადადებისთვის მხარი არ დაუჭერიათ.
სიახლეები
- რუსეთის ჯარებმა ზაპოროჟიეს ოლქში ტურისტული ბაზა დაბომბეს, არის მსხვერპლი
- ხელვაჩაურში 21 წლის ნასვამმა მამაკაცმა თანატოლი დანით დაჭრა და შემთხვევის ადგილიდან მიიმალა – შსს-ს მიერ დაკავებულ პირს 7 წლამდე პატიმრობა ემუქრება
- აშშ-ის სპეციალური წარმომადგენელი სტივ უიტკოფი მოსკოვში ჩავიდა
- “დღეიდან წინასაარჩევნო კამპანიის წარმოების წესები ამოქმედდა - 4 ოქტომბერს გაიხსნება 3051 საარჩევნო უბანი, რომელთაგან 2284 უბანზე კენჭისყრა ელექტრონული, ხოლო 767 უბანზე ტრადიციული წესით ჩატარდება” - ცესკო
- “საქართველოს ხედვა ნათელია, არ ვცდილობთ მხოლოდ ჰაბი გავხდეთ, ჩვენი მიზანია ვიყოთ მრავალფუნქციური, მრავალმიმართულებიანი ჰაბი კონტინენტების, ბაზრების, ერებისა და იდეების დამაკავშირებელი” - ირაკლი კობახიძე
