თელავის მუნიციპალიტეტის საკრებულოს დეპუტატი, პარტია "ქართული ოცნების" წევრი ლევან ბერძენაშვილი ე.წ. "აგენტების კანონის" მიღების გამო პარტიას და საკრებულოში დაკავებულ თანამდებობას დატოვებს. ბერძენაშვილი წარმომადგენლობით ორგანოში სამანდატო, საპროცედურო და იურიდიული საკითხთა კომისიას ხელმძღვანელობს.
საპარლამენტო ოპოზიციის ნაწილმა მიმდინარე კვირის პლენარულ სხდომებს კვლავ პოლიტიკური ბოიკოტი გამოუცხადა.
ინგრედიენტები:
ვის მკვდარს ტიროდით ირანში, როდესაც გაკოტრებულები, სრულიად ბანკროტები ხართ პოლიტიკურ ასპარეზზე?! - იცოდეთ, რომ 28 მაისი თქვენი პოლიტიკური დაისი იქნება, - ამის შესახებ „ნაციონალური მოძრაობის“ დეპუტატმა, ეკა ხერხეულიძემ, პარლამენტის პლენარულ სხდომაზე სიტყვით გამოსვლისას განაცხადა, რითაც "ქართულ ოცნებას" მიმართა.
რა სიმართლის აღიარებას უნდა ველოდოთ, როდესაც მთავარი ოპოზიციური პარტიის წარმომადგენელი, საზოგადოებას ეუბნება პარლამენტიდან, რომ საქართველომ 2012 წელს საქართველომ გადაუხვია ევროპულ გზასო. კოლექტიური "ნაციონალური მოძრაობის" ერთ-ერთი ლიდერი ეუბნება ამას საზოგადოებას, ანუ ხვდებით, რომ პარალელურ განზომილებაში არის ეს რადიკალური ოპოზიცია, - ამის შესახებ პარლამენტის თავმჯდომარის მოადგილემ, არჩილ თალაკვაძემ, პარლამენტის პლენარულ სხდომაზე განაცხადა.
28 მაისს ისრაელი ღაზის სამხრეთის ქალაქ რაფაჰს ჰაერიდან და ტანკებით ბომბავს და განაგრძობს შეტევას, მიუხედავად საერთაშორისო აღშფოთებისა, რომელიც მოჰყვა იმ საჰაერო დარტყმას, რომელმაც დევნილთა ბანაკში ხანძარი გამოიწვია და სულ მცირე 45 ადამიანი იმსხვერპლა.
ღამის განმავლობაში განხორციელებულ დარტყმებს ემსხვერპლა სულ მცირე 16 პალესტინელი - აცხადებენ ღაზის წარმომადგენლები. ღაზის სექტორი იმართება აშშ-სა და ევროკავშირის მიერ ტერორისტულ ორგანიზაციად მიჩნეული ჰამასის მიერ.
ისრაელის ტანკები რაფაჰის დასავლეთში მდებარე უბნებისკენ მიიწევენ, ადგილობრივები ინტენსიურ დაბომბვაზე იუწყებიან.
ბანაკს, რომელშიც ისრაელის დარტყმამ ხანძარი გამოიწვია, თავს აფარებდა ღაზის სხვა არეალებიდან გაქცეული ათასობით ოჯახი. ამ დარტყმაზე პასუხად, გლობალური ლიდერები გამოდიან მოწოდებით, შესრულდეს საერთაშორისო სასამართლოს ბრძანება და ისრაელმა შეაჩეროს სამხედრო შეტევა.
უკრაინის პრეზიდენტმა ვოლოდიმირ ზელენსკიმ და ბელგიის პრემიერ-მინისტრმა ალექსანდერ დე კრომ 28 მაისს გააფორმეს ათწლიანი, ორმხრივი ხელშეკრულება უსაფრთხოების სფეროში.
მსახიობი ნატალია ყიფშიძე მოსამართლემ 500 ლარით დააჯარიმა. ამის შესახებ ის სოციალურ ქსელში წერს.
დღეს კენჭისყრა ჩატარდება და ისინი მოიღებენ ამ კანონს, მაგრამ ჩვენ წინ გვაქვს არჩევნები და ამ არჩევნებზე საბოლოოდ უარი უნდა ვუთხრათ რუსეთუმე ხელისუფლებას, რუსულ რეჟიმს, - ამის შესახებ ყოფილმა დეპუტატმა, დავით გამყრელიძემ “ინტერპრესნიუსს” პარლამენტთან მიმდინარე აქციაზე განუცხადა, სადაც “უცხოური გავლენის გამჭვირვალობის შესახებ” კანონს მოქალაქეები აპროტესტებენ.
დავით გამყრელიძის თქმით, “რუსული რეჟიმი” უნდა შეიცვალოს ხელისუფლებით, რომელიც ქვეყანას ევროკავშირში გააწევრიანებს.
“მე მაინც მგონია, რომ ეს არ არის ბოლო წერტილი, ბრძოლა გრძელდება და აუცილებლად გამარჯვებით დასრულდება. წარმოუდგენელია, რომ ქართველი ხალხი შეეგუოს გარუსებას, დასავლურ კურსზე და ევროპულ ინტეგრაციაზე უარს, აქედან გამომდინარე, ეს ბოლო დღეა ამ 84 დეპუტატისთვის. გულის სიღრმეში იმედი მაინც არის, რომ 9 ადამიანი მაინც აღმოჩნდება, რომელიც საკუთარ თავს თუ არა, თავის შვილებზე, შვილიშვილებზე, მომავალ თაობებზე იფიქრებს, მაგრამ ეს ძალიან მცირე იმედია. აქამდე სადაც მოვიდნენ და ვერავინ გაბედა განცხადების გაკეთება, რომ თუნდაც გადავდოთ, თუნდაც შევაჩეროთ ეს პროცესი, ნიშნავს იმას, რომ დღეს კენჭისყრა ჩატარდება და ისინი მიიღებენ ამ კანონს, მაგრამ ჩვენ წინ გვაქვს არჩევნები და ამ არჩევნებზე საბოლოოდ უარი უნდა ვუთხრათ რუსეთუმე ხელისუფლებას, რუსულ რეჟიმს და შევცვალოთ იმ ხელისუფლებით და პარლამენტით, რომელიც დაჩქარებული ტემპით შეგვიყვანს ევროპაში”, - განაცხადა დავით გამყრელიძემ.
