ივანიშვილი მხოლოდ ერთჯერადი მოხმარებისთვის იყენებს ხალხს, დღეს მისი ბანდფორმირება საბოლოოდ დაშლილია, ამიტომ 4 ოქტომბერს მშვიდობიანად უნდა დავამხოთ ეს რეჟიმი,- ამის შესახებ „ნაციონალური მოძრაობის“ პოლიტსაბჭოს თავმჯდომარემ, ლევან ხაბეიშვილმა განაცხადა, რითაც სუს-ის უფროსად მამუკა მდინარაძის წარდგენას გამოეხმაურა.
“ადრე თუ ცოტას მაინც ფუთავდნენ ასეთ ანტისახელმწიფოებრივ და რადიკალურ პროცესებს, ახლა უკვე პირდაპირ და საჯაროდ ამბობენ. ეს არის ის ინსტიტუტები, რომლებიც პირდაპირ თავს ესხმიან ქართულ სახელმწიფოს,” – ასე გამოეხმაურა “ხალხის ძალის” წევრი, გურამ მაჭარაშვილი “მაკკეინის ინსტიტუტის” განცხადებას.
„ყველაფერი გაკეთდება იმისთვის, რომ ქვეყანაში შენარჩუნდეს მშვიდობა, სიმშვიდე“, – ამის შესახებ თბილისის მერმა კახა კალაძემ ევროკავშირის მიერ საქართველოსთვის ვიზალიბერალიზაციის შეჩერების შემთხვევაში განსახორციელებელ იმ სამოქმედო გეგმასთან დაკავშირებით განაცხადა, რომელიც ორგანიზაცია „IRI საქართველოს“ პროგრამების დირექტორმა მოამზადა და რომელიც სექტემბერში საპროტესტო აქციების ჩატარებას გულისხმობს.
დამოუკიდებელი საქართველოს ისტორიაში, ამდენი სპორტული ინფრასტრუქტურის მშენებლობა არ განხორციელებულა და ეს მხოლოდ დასაწყისია, პრემიერმაც ისაუბრა, რომ ჩვენს ქალაქს ბევრი სპორტული ობიექტი შეემატება. ასევე, რეგიონებში იგეგმება ბევრი ინფრასტრუქტურული პროექტის განხორციელება, – ამის შესახებ საქართველოს პრეზიდენტმა, მიხეილ ყაველაშვილმა ახალი საფეხბურთო ცენტრის „ავაზას“ გახსნის ღონისძიებაზე სიტყვით გამოსვლისას განაცხადა.
„ლელო-ძლიერი საქართველოს“ ერთ-ერთი ლიდერის, ალეკო ელისაშვილისგანცხადებით, დიდი დიღმიდან მეტროსადგურ „დიდუბემდე“ ტრამვაის ხაზის გაყვანის იდეა არა თბილისის მერ კახა კალაძეს, არამედ მას ეკუთვნის.
ენმ 4 ოქტომბრის აქციისათვის ნიადაგს ამზადებს - პერიოდულად პარტიის ლიდერების მიერ კეთდება განცხადებები ამ თარიღთან დაკავშირებით და პარალელურად სოციალურ ქსელში ატარებენ გამოკითხვას.
