ძალიან მაგარი ამბავია, რომ უცხოური ლეგიონის ლამის ნახევარი ქართველები ვართ. მხნედ ვართ, მტკიცედ, - ამის შესახებ პარტია “მოქალაქეების“ ლიდერი, უკრაინაში მყოფი ალეკო ელისაშვილი სოციალურ ქსელში წერს.
უკრაინაში მყოფი საქართველოს თავდაცვის ყოფილი მინისტრი ირაკლი ოქრუაშვილი მიიჩნევს, რომ ამ ომს მინიმუმ ორი დადებითი შედეგი ექნება: პირველი, უკრაინა გაიმარჯვებს და უფრო გაძლიერდება, მეორე - რუსეთში ან პუტინის რეჟიმის ცვლილება მოხდება ან საერთოდ დაშლას დაიწყებს.
გაეროს გენერალური მდივნის ანტონიუ გუტიერეშის განცხადებით, რუსეთ-უკრაინის ომის გამო მსოფლიო მასობრივი შიმშილისა და საკვები პროდუქციის კრიზისის საფრთხის წინაშე დგას. ამის შესახებ მან „ტვიტერის“ გვერდზე განაცხადა.
უკრაინაში კიდევ ერთი ქართველი სამხედრო დაიღუპა. არსებული ინფორმაციით, ქართველი მებრძოლი ბახვა ჩიქობავა მარიუპოლში დაიღუპა.
უკრაინის საჰაერო ძალებმა რუსი მაიორი, სერგეი ვოლინცი მოკლეს. Unian-ის ინფორმაციით, რუსი ოკუპანტები ვოლინცის ხელმძღვანელობით ბომბავდნენ უკრაინის მთელ ტერიტორიას.
ქუთაისის საერთაშორისო აეროპორტში პოლონეთიდან მორიგი რეისი შესრულდა. საქართველოში ქართველებთან ერთად უკრაინელებიც ჩამოვიდნენ. ბორტზე მყოფი მგზავრები, უკრაინაში არსებულ რთულ ვითარებაზე საუბრობენ.
ბაიდენის გაფრთხილება ჩინეთს - ამერიკის პრეზიდენტმა მოუწოდა ოფიციალურ პეკინს, თავი შეიკავოს რუსეთისთვის სამხედრო ან ეკონომიკური დახმარებისგან. ამერიკის შეერთებული შტატების პრეზიდენტსა და ჩინეთის ლიდერს შორის სატელეფონო საუბარი დაახლოებით ორ საათს გაგრძელდა. ამის შესახებ თეთრი სახლის პრესმდივანმა, ჯენ ფსაკმა ისაუბრა.
უკრაინის გენერალური პროკურატურის ცნობით, რუსული შეიარაღებული აგრესიის შედეგად, 112 ბავშვი დაიღუპა, 140 კი დაიჭრა.
ეროვნული სასახლის თბილისის ამერიკული კუთხის ეგიდითა და საქართველოში აშშ-ის საელჩოს ფინანსური მხარდაჭერით, პლატფორმის - „ახალგაზრდები ნატო-ში ინტეგრაციისთვის“ - წარმომადგენლებმა მესტიის მუნიციპალიტეტში 17-18 მარტს განახორციელეს პროექტი: „ზემო სვანეთში მცხოვრები ახალგაზრდების ცნობიერებისა და ჩართულობის ამაღლება საქართველოს ნატო-ში ინტეგრაციისა და რუსულ დეზინფორმაციასთან ბრძოლის პროცესებში“.
პლატფორმის წევრებმა შეხვედრები გამართეს დაბა მესტიისა და მესტიის მუნიციპალიტეტის ექვსი სოფლის საჯარო სკოლების მოსწავლეებთან. ანალოგიური შეხვედრები გაიმართა მესტიის მუნიციპალიტეტის მერიისა და საკრებულოს, ასევე, ადგილობრივი არასამთავრობო ორგანიზაციების წარმომადგენლებთან.
საინფორმაციო შეხვედრებზე პლატფორმის წარმომადგენლებმა განიხილეს ნატო-ს ისტორია და მისი დღევანდელი საქმიანობა, ნატო-საქართველოს ურთიერთობები და ინტეგრაციის პროცესში არსებული გამოწვევები. ასევე, მოეწყო დისკუსიები ევრო-ატლანტიკური ინტეგრაციის გზაზე მდგარი სირთულეების, საქართველოს საერთაშორისო უსაფრთხოების მისიებში მონაწილეობისა და რუსული პროპაგანდის მიერ გავრცელებული მითების შესახებ. შეხვედრებზე განსაკუთრებული ყურადღება გამახვილდა ახალგაზრდების აქტიური ჩართულობის მნიშვნელობაზე საქართველოს საგარეო პოლიტიკური მისწრაფებების წარმატებული რეალიზების პროცესში. სწორედ ამ მიზანს ემსახურებოდა ეს პროექტი.
პროექტის განხორციელებას მხარს უჭერდა საქართველოს საგარეო საქმეთა სამინისტროს სსიპ „საინფორმაციო ცენტრი ნატოსა და ევროკავშირის შესახებ“ და კვლევითი ორგანიზაცია „საქართველოს პოლიტიკის ინსტიტუტი“ (GIP).
ბრიტანულმა ჟურნალმა „სპექთეითორმა“ (The Spectator) დაბეჭდა სტატია სათაურით „ბორის ჯონსონი - რუსეთის აგენტი?“ (ავტორი - ლოიდ ევანსი), რომელშიც გადმოცემულია, თუ როგორ დასდეს ბრალი ინგლისელმა პარლამენტარებმა ქვეყნის პრემიერ-მინისტრს რუსეთის აგენტობაში.
