აკაკი წერეთლის სახელმწიფო უნივერსიტეტის 30-მდე ლექტორ-მასწავლებელმა სოლიდარობა გამოუცხადა სტუდენტებს, რომლებიც ე.წ. აგენტების კანონს აპროტესტებენ.
აშშ-ის ყოფილი ელჩი საქართველოში ჯონ ბასი, რომელიც დღეს აშშ-ის სახელმწიფო მდივნის მოადგილის პოსტს იკავებს, X-ზე [ყოფილ ტვიტერზე] ეხმაურება საქართველოში მიმდინარე პროცესებს. ბასი აცხადებს, რომ ქართველი ხალხის სურვილის მიუხედავად, საქართველოს მთავრობას ქვეყანა ევროატლანტიკური კურსიდან გადაჰყავს.
პარლამენტში „აგენტების კანონის“ მესამე მოსმენით განხილვას განცხადებით გამოეხმაურა საქართველოს სახალხო დამცველი ლევან იოსელიანი.
გულწრფელად ვიმედოვნებ, რომ საქართველოს ხელისუფლება ნათელს მოჰფენს თავის განზრახვებს, მაგრამ თუ მათ ევროკავშირთან მიახლოება სურთ, თუ ევროკავშირში გაწევრიანება სურთ, პატივი უნდა სცენ კანონის უზენაესობის ფუნდამენტურ პრინციპებს და დემოკრატიის პრინციპებს, - ამის შესახებ ევროპული საბჭოს პრეზიდენტმა, შარლ მიშელმა კოპენჰაგენის დემოკრატიის სამიტზე განაცხადა.
პოლიტიკური განცხადებების შემდეგ, პარლამენტის პლენარული სხდომის დღის წესრიგში პირველ საკითხად მონიშნული „აგენტების კანონის“ მესამე, საბოლოო მოსმენით, განხილვა დაიწყო. მესამე მოსმენისას კანონპროექტში შესაძლებელია მხოლოდ რედაქციული ცვლილებების შეტანა.
პარლამენტის იურიდიულ საკითხთა კომიტეტის სხდომაზე „აგენტების კანონი“ მესამე მოსმენით განიხილეს და მხარი დაუჭირეს. პარლამენტის შენობის გარშემო მობილიზებული პოლიციის გამო, ოპოზიციის დეპუტატებმა სხდომაზე დროულად შესვლა ვერ შეძლეს. სხდომას ფრაქცია „ქართული ოცნების“ წევრების გარდა, ესწრებოდა საპარლამენტო პოლიტიკური ჯგუფის, „ევროპელი სოციალისტების“ თავმჯდომარე ფრიდონ ინჯია.
აშშ რუსეთს ადანაშაულებს ქიმიური იარაღის გამოყენების ამკრძალავი საერთაშორისო კონვენციის დარღვევაში. სახელმწიფო დეპარტამენტის ინფორმაციით, რუსეთმა უკრაინის შეიარაღებული ძალების წინააღმდეგ გამოიყენა ქიმიური ნივთიერება ქლორპიკრინი. ქიმიური იარაღის აკრძალვის ორგანიზაციას(OPCW) ამ მომწამლავი ნივთიერების საბრძოლო იარაღად გამოყენება აკრძალული აქვს.
ბიძინა ივანიშვილის მიერ ორი დღის წინ გაკეთებული განცხადებები ჩვენი პარტნიორებისთვის - ევროკავშირისა და შეერთებული შტატებისთვის ომის გამოცხადებაა, - ამის შესახებ საქართველოს პრეზიდენტმა, სალომე ზურაბიშვილმა FRANCE 24 English-თან ინტერვიუში განაცხადა.
დღეს დიდი ხუთშაბათია, რასთან დაკავშირებითაც ტაძრებში დიდი ხუთშაბათის მსახურება შესრულდება.
საქართველოს პარლამენტის ცნობით, გუშინ, საპროტესტო აქციის მონაწილეების მიერ საქართველოს პარლამენტის სასახლეზე განხორციელებული თავდასხმის შედეგად დაზიანდა პარლამენტის შენობა და ინფრასტრუქტურა, რის გამოც, დღეს პარლამენტის სასახლეში დაგეგმილი ღონისძიებები (ბიუროს და პლენარული სხდომები) არ გაიმართება.
