უკრაინაზე მორიგი მასირებული შეტევისთვის, რომელიც გასულ ღამით დაიწყო და დილამდე გაგრძელდა, რუსეთის ჯარებმა 315 უპილოტო საფრენი აპარატი, 2 ბალისტიკური რაკეტა და 5 ფრთოსანი რაკეტა გამოიყენეს.
ავსტრიის ქალაქ გრაცის ერთ-ერთ სკოლაში სროლა იყო. შინაგან საქმეთა სამინისტრო რამდენიმე მოკლულის შესახებ იუწყება.
„საკმაოდ კარგად ავხსენით, რას ემსახურება სამინისტროში მიმდინარე რეორგანიზაცია. საგარეო საქმეთა სამინისტრო არ არის არც არასამთავრობო ორგანიზაცია, არც საერთაშორისო ორგანიზაციის ფილიალი, რომ კონსულტაციები გავიაროთ ვინმესთან, რომ ვიცოდეთ რა სჭირდება ჩვენს ქვეყანას და როგორი ტიპის საგარეო უწყება გვჭირდება იმისთვის, რომ ეფექტიანად განვახორციელოთ ჩვენი ეროვნული ინტერესები საგარეო ასპარეზზე“, – განაცხადა საქართველოს საგარეო საქმეთა მინისტრმა მაკა ბოჭორიშვილმა, ჟურნალისტებთან საუბრისას.
იმერეთის სამხარეო პოლიციის უფროსად რამაზ თათარაშვილი დაინიშნა.
ამერიკის შეერთებული შტატების ფედერალურმა მთავრობამ ლოს-ანჯელესში 700-მდე საზღვაო ქვეითის და კიდევ 2000 გვარდიელის გაგზავნა გადაწყვიტა. ეროვნული გვარდიის კონტინგენტი 4000-მდე გაიზარდა.
თბილისის პოლიციის დეპარტამენტის დირექტორის თანამდებობაზე ვაჟა სირაძე დაინიშნა. ამის შესახებ ინფორმაციას შინაგან საქმეთა სამინისტრო ავრცელებს.
ჩვენ ხომ ოპოზიცია აღარ გვყავს, მცირე გამონაკლისის გარდა. ეს არის ადამიანების ჯგუფი, რომელიც გაერთიანდა იმისთვის, რომ ქვეყანაში რევოლუციური პროცესი განავითაროს, – ამის შესახებ „ქართული ოცნების“ წევრმა, გია ვოლსკიმ „ღამის კურიერის“ ეთერში განაცხადა.
შესანიშნავი გადაწყვეტილება მივიღეთ, როდესაც კალიფორნიაში ძალადობრივი, პროვოცირებული არეულობების მოსაგვარებლად ეროვნული გვარდია გავგზავნეთ, – ამის შესახებ აშშ-ის პრეზიდენტი, დონალდ ტრამპი სოციალურ ქსელში წერს.
ქვეყანა ზიანდება იმით, რომ საქართველოში ნორმალური ოპოზიცია არ არსებობს, რომ ოპოზიცია გადაიქცა გარკვეულ ინსტრუმენტად და ერთმანეთს ეჯიბრებიან იმაში, თუ ვინ უფრო კარგი მარიონეტია, იმ შემთხვევაში, თუკი აფინანსებენ, – ამის შესახებ საქართველოს პარლამენტის თავმჯდომარის პირველმა მოადგილემ, გია ვოლსკიმ „ღამის კურიერის“ ეთერში განაცხადა.
,,მნიშვნელოვანია, რომ აგრემანი მიიღო აშშ-ის პრეზიდენტის ადმინისტრაციისგან. ეს ჩვენ გვაძლევს კვლავ ოპტიმიზმის იმედს, რომ ურთიერთობების გადატვირთვა შესაძლებელია”, – ამის შესახებ სქართველოს პარლამენტის თავმჯდომარე შალვა პაპუაშვილმა, აშშ-ში საქართველოს ელჩად თამარ ტალიაშვილის კანდიდატურის წარდგენასთან დაკავშირებით განაცხადა.
