პარტია "ლელო - ძლიერი საქართველოს" ერთ-ერთმა ლიდერმა მამუკა ხაზარაძემ, რუსთავის მე-12 სასჯელაღსრულების დაწესებულების დატოვების შემდეგ მედიასთან საუბარში განაცხადა, რომ მისთვის და მისი პარტიის კიდევ ერთი ლიდერისთვის, ბადრი ჯაფარიძისთვის, მოულოდნელი აღმოჩნდა "ე.წ. პრეზიდენტის მიერ შეწყალება". ეს აქტი მან შეაფასა "დაპირისპირებისა" და "შავი პიარისთვის" გამიზნულ ნაბიჯად. ამასთან, მისი სიტყვებით, არ იცვლება ადგილობრივი თვითმმართველობის არჩევნებში მონაწილეობის შესახებ პარტიის მიერ მიღებული გადაწყვეტილება.
“პატივს ვცემ ყველა ოპოზიციონერის პოზიციას. ჩვენ გადაწყვეტილება მივიღეთ კარგად გააზრების და ყველა ფაქტორის აწონ-დაწონვის შემდგომ და რა თქმა უნდა, ეს გადაწყვეტილება არ შეგვიცვლია. ამ გადაწყვეტილების გამო დაგვატუსაღეს, შესაბამისად, ჩვენ ამ გადაწყვეტილების ერთგულები ვრჩებით, “- ამის შესახებ „ლელო – ძლიერი საქართველოს“ ლიდერმა, ბადრი ჯაფარიძემ, განუცხადა ჟურნალისტებს ოპოზიციის იმ ლიდერებისგან მოწოდების საპასუხოდ, რომლებიც “ლელოს” მოუწოდებენ, არ მიიღონ ადგილობრივი თვითმმართველობის არჩევნებში მონაწილეობა.
ქვეყანა საჭიროებს რევოლუციურ ცვლილებებს, რათა დავუბრუნდეთ ჩვენს ევროპულ ოჯახს – ქართველ ხალხს სახელმწიფო ინსტიტუტები წაართვეს, მაგრამ ვერ წაართვეს საქართველოს დროშა, რომლის გარშემოც ვერთიანდებით. 4 ოქტომბერს გარდაუვალია ამ რეჟიმის მშვიდობიანი დამხობა, - ამის შესახებ „ნაციონალური მოძრაობის“ პოლიტსაბჭოს თავმჯდომარემ, ლევან ხაბეიშვილმა განაცხადა.
ფინანსთა სამინისტროს შემოსავლების სამსახურის საბაჟო გამშვებ პუნქტში ,,ქუთაისის აეროპორტი“, კანონდარღვევის 5 ფაქტი აღიკვეთა.
ეს არის ჩათლახობა, რაც ყაველაშვილმა და „ქართულმა ოცნებამ“ მოიფიქრა, რომ ვითომ, „გაგვაბანძონ“ - არჩევნებში „ქართული ოცნება“უნდა გადავანგრიოთ და გადავლეწოთ, ახლა უფრო ომახიანად , - ამის შესახებ „ლელო - ძლიერი საქართველოს“ ერთ-ერთმა ლიდერმა, ალეკო ელისაშვილმა რუსთავის ციხესთან განაცხადა.
ბურჭულაძე და ხაბეიშვილი საოცარი „პარაა“, ზიტა და გიტა. არავის მივცემთ იმის შესაძლებლობას, რომ ქვეყანაში რაიმე არეულობა მოაწყოს, - ამის შესახებ თბილისის მერმა კახა კალაძემ განაცხადა, რითაც 4 ოქტომბერს რუსთაველის გამზირზე დაანონსებულ აქციასთან დაკავშირებით, „რუსთაველის გამზირის“ ლიდერის, პაატა ბურჭულაძისმოწოდებას გამოეხმაურა.
ევროპის 42-ე საკალათბურთო ჩემპიონატის, ევრობასკეტ 2025-ის საქართველოს ეროვნული საკალათბურთო ნაკრების საგულშემატკივროდ სპეციალური ჩარტერული რეისები დაინიშნა. საქართველოს მთავრობის ინიციატივით, რეისები 7 და 8 სექტემბერს შესრულდება, – ამის შესახებ ინფორმაციას, საქართველოს აეროპორტების გაერთიანება ავრცელებს.
„ძალიან კარგი ჟესტია პრეზიდენტის მხრიდან – გამობრძანდით ბატონებო! – როცა წინასაარჩევნო კამპანიაა და ვაიპოლიტიკოსებს პრეტენზია აქვთ, რომ მათ ვინმე დევნის, აი ბურთი და მოედანი, გამობრძანდი და თუ გაქვს შესაბამისი რესურსი გინდა არჩევნები მოიგე და გინდა შესაბამისი შედეგი დადე,“ – ამის შესახებ, “ხალხის ძალის” დეპუტატმა, გურამ მაჭარაშვილმა, მიხეილ ყაველაშვილის გადაწყვეტილებაზე საუბრისას განაცხადა.
„პრეზიდენტის მიერ მიღებული გადაწყვეტილება ჰუმანური აქტია, შეიწყალა ორი დამნაშავე“, – ამის შესახებ, თბილისის მერმა კახა კალაძემ მედიასთან განაცხადა, რითაც „ლელო-ძლიერი საქართველოს“ ლიდერების, მამუკა ხაზარაძისა და ბადრი ჯაფარიძის შეწყალებას გამოეხმაურა.
