საქართველოს წინააღმდეგ რუსეთის მიერ განხორციელებული ომიდან 17 წელი გავიდა. აგვისტოს 5-დღიან ომს წინ ოსური დასახლებების მხრიდან რამდენიმე დღის განმავლობაში განუწყვეტელი საარტილერიო სროლები უძღოდა.
,,დღეს, აქ ვიმყოფებით, რათა პატივი მივაგოთ ჩვენს გმირ ჯარისკაცებს, ეროვნულ გმირებს იმისთვის, რომ მათ ყველაზე ძვირფასი გაიღეს ჩვენი სამშობლოს თავისუფლებისთვის. პატივი და დიდება მათ ხსოვნას”, – ამის შესახებ საქართველოს პრეზიდენტმა მიხეილ ყაველაშვილმა, მუხათგვერდის ძმათა სასაფლაოზე განაცხადა, სადაც მან აგვისტოს ომში დაღუპული ჯარისკაცების ხსოვნას პატივი მიაგო.
“ნაციონალური მოძრაობის” წარმომადგენლები, იაკობაშვილი, ლომაია და სხვები საუბრობდნენ, რომ ისინი სეპარატისტებთან აწარმოებდნენ საომარ მოქმედებებს და მადლობას უხდიდნენ რუსეთს, – ამის შესახებ საქართველოს პრემიერ-მინისტრმა ირაკლი კობახიძემ, ჟურნალისტებს განუცხადა.
წლების განმავლობაში, ეს ადამიანები აღნიშნავდნენ ომის დაწყებას 8 აგვისტოს და 10 წლის თავზე, უცებ გადაწყვიტეს, რომ არა 8 აგვისტოს, არამედ 7 აგვისტოს დაწყებულა ომი. 10 წელი არ იცოდნენ როდის დაიწყო ომი? ეს ნიშნავს, რომ უტიფრობა, ალოგიკურობა და სირცხვილია „ნაცობა”, – ამის შესახებ საქართველოს პრემიერ-მინისტრმა ირაკლი კობახიძემ, ჟურნალისტებს განუცხადა.
,,ეს დღე არის ერთი მხრივ ჩვენი გმირების მოგონების და მეორე მხრივ, ჩვენს მომავალზე დაფიქრების დღე”,- ამის შესახებ პარლამენტის თავმჯდომარემ, შალვა პაპუაშვილმა, აგვისტოს ომის 17 წელთან დაკავშირებით განაცხადა.
„2008 წლის 7 და 8 აგვისტოს რატომ არ თქვეს და არ აცნობეს საზოგადოებას, რომ რუსული ჯარი შემოსული იყო?! არქივს ვერ წაშლით! – თქვენ ან სიმართლის აღიარება მოგიწევთ ან საქართველოს საზოგადოების უმრავლესობას დაემორჩილებით!“ – ამის შესახებ ჟურნალისტებთან მიხეილ ყაველაშვილმა განაცხადა.
ან ყველა ვიბრძვით ყოველდღე, ყოველ წამს, სანამ არ ვიგებთ, ან სიყალბის ნაწილი ვართ, - ამის შესახებ „კოალიცია ცვლილებისთვის“ ერთ-ერთი ლიდერი, ზურაბ გირჩი ჯაფარიძე ციხიდან გავრცელებულ წერილში წერს.
