შარშან გვეუბნებოდნენ, ევროკავშირში გაწევრიანების პროცესზე უარი თქვენ თქვითო და პროტესტს ამით კვებავდნენ. „ირკვევა”, თურმე „ავტორიტარული მმართველობის“ ბრალი ყოფილა და სასწრაფოდ კურსი უნდა შევცვალოთ - ამის შესახებ საპარლამენტო უმრავლესობის ლიდერი მამუკა მდინარაძე "ფეისბუქზე“ წერს, რითაც ევროპარლამენტის განცხადებას ეხმაურება, რომ „საქართველო ევროკავშირში გაწევრიანებას მანამ ვერ შეძლებს, სანამ მისი მთავრობა ავტორიტარულ კურსს არ შეცვლის".
„ნაცმოძრაობის“ ოფისთან რომ მივიდეს რომელიმე მისი არამხარდამჭერი და „მოლოტოვის კოქტეილი“ ესროლოს, არ გავარდებიან პროკურატურასა და პოლიციაში და არ იტყვიან თავდასხმა მოხდაო, – ამის შესახებ პარტია „ხალხის ძალის“ აღმასრულებელმა მდივანმა, გურამ მაჭარაშვილმა მედიასთან განაცხადა.
,,რა ქნას, გიორგი გახარიამ, ჯერ აქ იძველბიჭა და გულზე მჯიღს იცემდა, ვითომ, მაგარი ბიჭი, პატრიოტია, მაგრამ როცა დროებითი საგამოძიებო კომისიის სხდომაზე დავიბარეთ, გაიქცა და ონლაინ ჩართვებით ევროპიდან გველაპარაკება”, – ამის შესახებ პარლამენტის დიასპორის საკითხთა კომიტეტის თავმჯდომარემ, ირაკლი ზარქუამ განაცხადა.
„ქართული ოცნების“ ხელისუფლება საქართველოსთვის ევროკავშირთან უვიზო მიმოსვლის შეჩერების მიზეზად ასახელებს არა მედიაორგანიზაციებისა და სამოქალაქო ჯგუფების შეზღუდვას მიღებული კანონებით, არამედ „გლობალური ომის პარტიის“ მიერ ქვეყანაში „მეორე ფრონტის“ გახსნის სურვილს.
“უკრაინას აქვს ევროკავშირთან უვიზო მიმოსვლა, თავისუფალი ვაჭრობა, მოლაპარაკებები და კანდიდატის სტატუსი, მაგრამ არ ჰყავს მილიონობით ახალგაზრდა, ტერიტორიები არ აქვს, დედა ეტირა, ეს გინდათ ხომ საქართველოსთვის?”, – ამის შესახებ „ქართული ოცნების“ დეპუტატმა, ირაკლი ზარქუამ განაცხადა.
,,კარგად რომ გავიაზროთ, რატომ ითხოვს ბრიუსელი “ოჯახური ღირებულებებისა და არასრულწლოვანის დაცვის” შესახებ კანონის გაუქმებას, რომელსაც ქართველმა ხალხმა 26 ოქტომბრის ფაქტობრივ რეფერენდუმზე მისცა ხმა”,- ამის შესახებ პარლამენტის თავმჯდომარე შალვა პაპუაშვილი სოციალურ ქსელში წერს და პოსტს ,,იმედის” ეთერში გაკეთებული განცხადების ვიდეოს ურთავს.
