ნებისმიერი საბაბი, მათ შორის უვიზო მიმოსვლის გაუქმების საკითხი არის საუკეთესო საწვავი, რომელსაც გარე ძალები უსხამენ ჩვენს ოპოზიციას იმისათვის, რომ როგორღაც ამომრჩეველი განარისხონ ხელისუფლების წინააღმდეგ და ეს როგორც წესი ხდება არჩევნების წინ, – ამის შესახებ „2003-2012 წლებში მოქმედი რეჟიმისა და რეჟიმის პოლიტიკური თანამდებობის პირების საქმიანობის შემსწავლელი დროებითი საგამოძიებო კომისიის“ ხელმძღვანელმა, პარლამენტის ვიცე-სპიკერმა თეა წულუკიანმა გადაცემაში „იმედი LIVE“ განაცხადა.
პარლამენტის ვიცე-სპიკერმა, თეა წულუკიანმა ოპოზიციის ლიდერების შეწყალებასთან დაკავშირებით პრეზიდენტის, მიხეილ ყაველაშვილის შეთავაზება გადაცემა „იმედი LIVE“-ში შეაფასა და აღნიშნა, რომ პრეზიდენტის ამ პოზიციას პატივს სცემს.
“ჩვენ ამ ეტაპისთვის გაძლიერებული ვართ, როგორც სახელმწიფო და ამას ხედავს ხალხი, რომ საქართველოს ხელისუფლება დღეს იქცევა საქართველოს ეროვნული ინტერესებიდან გამომდინარე”, – ამის შესახებ საქართველოს პრეზიდენტმა, მიხეილ ყაველაშვილმა გადაცემა “ღამის კურიერის” ეთერში ისაუბრა.
“საერთოდ არ მაინტერესებს სალომე ზურაბიშვილი რაღაც პლატფორმის ლიდერი იქნება თუ არ იქნება, სალომე ზურაბიშვილმა ოთხი პარტია ვერ დასვა ერთ მაგიდასთან და რა პლატფორმის ლიდერი უნდა იყოს”, – ამის შესახებ „ნაციონალური მოძრაობის“ წევრმა, ანა წითლიძემ განაცხადა.
“ეს შემოტევები, რა თქმა უნდა, გაგრძელდება. მაქსიმალურად ეცდებიან იმას, რომ ჩაერიონ ქვეყნის შიდა პოლიტიკურ საქმიანობაში, არჩევნებში მათ შორის. ეს „დიფ სთეითის“ ჩვეულებრივი დღის წესრიგია”, – ამის შესახებ გადაცემაში „იმედი LIVE“ თბილისის მერმა, კახა კალაძემ განაცხადა.
“ქალაქის მოქმედი მერი ვარ, ვაპირებ, არჩევნებში მივიღო მონაწილეობა, ამაზე პრემიერ-მინისტრმაც ღიად ისაუბრა”, – ამის შესახებ თბილისის მერმა, კახა კალაძემ გადაცემაში „იმედი LIVE“ განაცხადა.
