,,გიორგი ვაშაძე აზრზე არ არის, ახლა რისი დროა და მისი წარსული პოლიტიკური ცხოვრება მხოლოდ ამას ადასტურებს”, – ამის შესახებ „ფედერალისტების“ ლიდერმა, თამარ ჩერგოლეიშვილმა განაცხადა.
,,ახლა, ბრიფინგის დროს, ვსაუბრობთ ბრიტანულ სტანდარტზე და იქვე იტყუებით. მოსახლეობა დეზინფორმაციისგან უნდა დავიცვათ – ბრიტანული სტანდარტი ითვლება რომ არის კარგი და ჩვენც ზუსტად ამ სტანდარტის გადმოღებას ვაპირებთ”,- ასე უპასუხა პარლამენტის თავმჯდომარემ შალვა პაპუაშვილმა, ჟურნალისტის კითხვას, რომელმაც თქვა, რომ მედიის არაერთი წარმომადგენელი გააძევეს პარლამენტიდან იმის გამო, რომ დეპუტატს არასასურველი კითხვა დაუსვა.
,,ამ ახალგაზრდებს მოუწოდებდნენ, რომ დაერღვიათ კანონი და ჩვენ ვნახეთ არაერთი შემთხვევა, სამწუხაროდ, გულის ტკივილით აღვნიშნავ, რომ ამ ახალგაზრდებს იყენებენ”, – ამის შესახებ მმართველი გუნდის დეპუტატმა, ირაკლი ზარქუამ ისაუბრა.
,,მადამ მავნებელს ალბათ კარგი ფასი გადაახდევინა ტრამპის ინაუგურაციის ბილეთში, მაგრამ ხაზარაძე მგონი დასაჯა. იმ გიჟს, ვაშაძეს მგონი საერთოდ კალათბურთის ბილეთი მიჰყიდა”, – ამის შესახებ საპარლამენტო უმრავლესობის წევრმა, ირაკლი ზარქუამ განაცხადა, რითაც გამოეხმაურა გავრცელებულ ინფორმაციას, რომ კონგრესმენი ჯო უილსონი, რომელმაც დონალდ ტრამპის ინაუგურაციაზე სალომე ზურაბიშვილი დაპატიჟა, ინაუგურაციაზე ბილეთების გაყიდვით ფულს შოულობდა.
მინდა, ყველას მივმართო, ვინც ჩემთან შეჯიბრს გააგრძელებს - ძალიან პატარა ხალხი ხართ! - მეცინება, რომ მართლაც ჰგონიათ, ამ გაუბედურებულ, პატარა ქვეყანაში მე რაიმე თანამდებობის დაკავებაში თქვენი კონკურენტი ვარ, - ამის შესახებ საქართველოს მესამე პრეზიდენტმა, მიხეილ სააკაშვილმა სასამართლო პროცესზე ჩართვის დროს განაცხადა.
“83 ხმით, პარლამენტში “ნაციონალური მოძრაობის” ხელისუფლების სამართლებრივი შეფასებების დროებითი საგამოძიებო კომისია შეიქმნა, რომლის უფლებამოსილების ვადა 3 თვით განისაზღვრა, თუმცა, როგორც “ქართული ოცნება” აცხადებს, კომისიას უფლებამოსილებას კიდევ სამი თვით გაუხანგრძლივებენ, იმუშავებს ექვსი თვე.
