ხალხო, გავიაზროთ, ჩვენსა და ჩვენს მომავალს შორის არის 4000 „რობოკოპი“ - მოვეშვათ ენის მოჩლექას, საჭიროა სიმტკიცე, მიწოლა! - ამის შესახებ საქართველოს მესამე პრეზიდენტმა მიხეილ სააკაშვილმა სასამართლო პროცესზე განაცხადა, სადაც საპროტესტო აქციებსა და ქვეყანაში ჩატარებულ არჩევნებს გამოეხმაურა.
“მათ არაფერი აკავშირებთ ამ ქვეყანასთან და არაფერი რომ არ აკავშირებთ, იმიტომაც იღებენ იმ პასუხს ქუჩაში მათივე მხარდამჭერებისგან”, – ამის შესახებ პარლამენტის თავმჯდომარემ, შალვა პაპუაშვილმა ოპოზიციასთან დაკავშირებით განაცხადა.
“დღევანდელი ოპოზიცია, ის ოთხეული, რომელმაც ბარიერი გადალახა არა ამომრჩევლის, რამედ უცხოელი პატრონების ნებას წარმოადგენს. ესაა მთავარი მათი განმსაზღვრელი. ამიტომ აცდენილი არიან ყველაფერში, მათ შორის პოლიტიკური ოპონირების საკითხში”, – ამის შესახებ პარლამენტის თავმჯდომარემ, შალვა პაპუაშვილმა განაცხადა.
გახარიებმა პატრონებს დაველაპარაკებით და რასაც გვეტყვიანო… (როცა ამბობენ პარტნიორებს, გულისხმობენ პატრონებს). შეიძლება ჩვენ შეგვასწრონ პარლამენტში, – ამის შესახებ „ქართული ოცნების“ აღმასრულებელი მდივანი მამუკა მდინარაძე სოციალურ ქსელში წერს.
რამდენიმე კვირის წინ, ჩვენ ვსაუბრობდით ოპოზიციონერების განცხადებებზე, რომ ისინი მანდატებზე უარს ამბობდნენ. მაშინაც მოგვიხდა განმარტების გაკეთება, რომ ფაქტობრივად არანაირი უფლებამოსილება ამ ადამიანებს არ ჰქონდათ იმისთვის, რომ მანდატები გაეუქმებინათ, რადგან ჯერ არჩეულებიც კი არ იყვნენ, – ამის შესახებ „ქართული ოცნების“ დეპუტატმა, კახა კახიშვილმა გადაცემაში „იმედი LIVE“ განაცხადა.
დასავლეთის შორ მანძილზე მოქმედი რაკეტებით რუსეთის ტერიტორიაზე განხორციელებულმა დარტყმებმა უკრაინაში მიმდინარე კონფლიქტს გლობალური სახე მისცა, – ამის შესახებ რუსეთის პრეზიდენტმა, ვლადიმერ პუტინმა განაცხადა.
