"თავისუფლების მოედანი" წინააღმდეგობის მოძრაობას იწყებს. როგორც ორგანიზაციის წარმომადგენლებმა 31 ოქტომბერს თბილისში, დედაენის ბაღში, გამართულ საინფორმაციო შეკრებაზე უთხრეს ჟურნალისტებს, მოძრაობის მიზანი იქნება 26 ოქტომბრის საპარლამენტო არჩევნებში არსებული სავარაუდო დარღვევების გამოვლენა და იმ ადამიანების იდენტიფიცირება, რომლებიც გაყალბების სქემაში მონაწილეობდნენ.
“მთავარი ხომ ის არის, რომ დამთავრდა არჩევნები, საკუთარი დაწერილი ეგზიტპოლები რომ ნახეს, ხომ იზეიმეს? ვინ თქვა იქ, რომ გაყალბდა, რაიმე თქვეს საერთოდ იმ დღეს? არაფერი პრობლემა ხომ არ ჰქონდათ და იმარჯვებდნენ? უხაროდათ!”, – ამის შესახებ პარლამენტის თავმჯდომარემ, შალვა პაპუაშვილმა ოპოზიციის მისამართით განაცხადა.
საერთაშორისო იურისდიქციის ქვეშ არჩევნების მოთხოვნა არის საჩუქარი „ოცნებისთვის“, ვინც ამას აკეთებს, ან ადეკვატურობა აკლიათ, ან სასარგებლო იდიოტები არიან, – ამის შესახებ პარტია „საქართველოსთვის“ ლიდერმა, გიორგი გახარიამ განაცხადა.
საქართველოს პრეზიდენტის, სალომე ზურაბიშვილის განცხადებით, კადრები აჩვენებს, როგორ ჩატარდა ქვეყანაში 26 ოქტომბერს საპარლამენტო არჩევნები.
განაცხადი, რომ რუსული რეჟიმის პროკურატურა გამოიძიებს რუსულ სპეცოპერაციას, რომელიც ჩატარდა, არის აბსურდი, - ამის შესახებ განცხადებას „ძლიერი საქართველო“ ავრცელებს.
ჰელსინკის კომისია არის მხარე, ის პირდაპირ იყო ჩართული საარჩევნო კამპანიაში ოპოზიციის სასარგებლოდ, რაც გაუგონარი და გაუგებარი მოვლენაა, – ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს განუცხადა.
