"არ ვიცი, მეორე ტურს ვისთან მართავენ, ოპოზიცია მეორე ტურში არ მონაწილეობს"
„ნაციონალური მოძრაობის“ ერთ-ერთი ლიდერის, ზაალ უდუმაშვილის განცხადებით, ოპოზიცია არჩევნების მეორე ტურში მონაწილეობას არ მიიღებს და ამ დღეს აქციას გამართავენ.
ამასთან, როგორც უდუმაშვილმა ჟურნალისტებს განუცხადა, „ნაციონალური მოძრაობის“ აჭარის ორგანიზაციის ლიდერის, ლევან ვარშალომიძის განცხადება პარტიაში არ განუხილავთ.
„ოპოზიცია მეორე ტურში მონაწილეობას არ იღებს, ეს არის ჩვენი გადაწყევტილება. სირცხვილია ამ ქვეყანაში იმ ფონზე, რა არჩევნებიც ჩატარდა, მეორე ტური გაუმართოს. არ ვიცი, ვისთვის მართავენ, საკუთარი თავისთვის? ვისაუბრებთ და გადავწყვეტთ, რა ფორმატში იქნება 21 ნოემბერი. ზოგადად, აქციას გავმართავთ 21-ში, როცა მეორე ტურები იქნება. ვნახოთ, რაღაც საკითხებზე შევთანხმდებით. ლევან ვარშალომიძის განცხადება პარტიაში განხილული არ ყოფილა“, – განაცხადა ზაალ უდუმაშვილმა.
„ნაციონალური მოძრაობის“ აჭარის ორგანიზაციის ლიდერმა ლევან ვარშალომიძემ გუშინ ბათუმში მიმდინარე საპროტესტო აქციის მონაწილეებს მიმართა და მხარდამჭერებს მოუწოდა, 21 ნოემბერს, არჩევნების მეორე ტურზე საარჩევნო უბნებთან სირცხვილის კორიდორი მოაწყონ.
სიახლეები
- "10 წლის წინ „ქართულმა ოცნებამ“ დაპირება გასცა, რომ წყალტუბოში 5-ვარსკვლავიან სასტუმროს გააკეთებდნენ, თუმცა აქ კვლავაც „ქოცური“ ნანგრევებია" - გრიგოლ გეგელია
- რა დათმობაზე შეიძლება წავიდეს პუტინი - “თუ მოლაპარაკება უშედეგოდ დასრულდა, ეს ტრამპისთვის პოლიტიკურად დამღუპველი იქნება”
- "პუტინი ჭკვიანი კაცია, კარგად ვუგებთ ერთმანეთს, შეიძლება, შეხვედრაზე რაღაცას მივაღწიოთ" - დონალდ ტრამპი
- "ის, რომ ლაზარე გრიგორიადისის შემდეგ, კიდევ ვიღაცამ გაბედა „მოლოტოვის კოქტეილის“ ხელში აღება, სრულად ბრიუსელის სინდისზეა" - შალვა პაპუაშვილი
- უცხოური ვალუტის ოფიციალური კურსი 16 აგვისტოსთვის
