საქართველოში „ომიკრონ“ შტამით ინფიცირების ორი შემთხვევა გამოვლინდა. ამის შესახებ დაავადებათა კონტროლის ეროვნული ცენტრის ხელმძღვანელმა ამირან გამყრელიძემ განაცხადა.
საქართველოს რეგიონული განვითარებისა და ინფრასტრუქტურის სამინისტროს საავტომობილო გზების დეპარტამენტის ინფორმაციით, რთული მეტეოროლოგიური პირობების (ძლიერი ქარი, სუსტი ხილვადობა) საერთაშორისო მნიშვნელობის ახალციხე-ნინოწმინდის საავტომობილო გზის კმ90-კმ112 მონაკვეთზე, აკრძალულია მისაბმელიანი, ნახევრადმისაბმელიანი ავტოტრანსპორტის და 30 ადგილზე მეტი ტევადობის ავტობუსების მოძრაობა, ხოლო დანარჩენი სახის ავტოტრანსპორტის მოძრაობა თავისუფალია.
Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, 14 145 ტესტი, გამოვლინდა ინფიცირების 1 296 ახალი შემთხვევა, გამოჯანმრთელდა 4 127 პირი, დადებითობის დღიური მაჩვენებელი არის 5.89%.
დღეს, ქუთაისის ცენტრალურ მოედანზე ტრანსპორტის მოძრაობა დროებით შეიზღუდება, მოედანზე დაგეგმილი წინასაახალწლო ღონისძიების გამო.
შესაბამისად, განისაზღვრა საქალაქო ტრანსპორტის ახალი სვლაგეზები.
ალერგიისა და იმუნოლოგიის ცენტრის ექიმი, ბიძინა კულუმბეგოვი აცხადებს, რომ ქვეყანაში ვაქცინირებული და კოვიდგადატანილი მოქალაქეების რაოდენობა 65%-ს აღწევს. მისი განცხადებით ქვეყნის მოსახლეობის 35% ისევ მოწყვლადია ახალი ინფექციის მიმართ.
20 დეკემბერიდან 23 დეკემბრის ჩათვლითაღმოსავლეთ საქართველოს ბარში შედარებით აცივდება და ჰაერის მაქსიმალური ტემპერატურა ღამით +1°, ხოლო დღისით +12° გრადუსამდე გათბება. აღმოსავლეთ საქართველოს მთიან ნაწილში კი ღამით -5°-მდე აცივდება, ხოლო დღისით +9°-მდე დათბება, ზოგიერთ რაიონში მოსალოდნელია თოვლი და თოვლჭყაპი.
