ჩვენ ასეთი ომის დროს შევძელით ევროკავშირში წევრობაზე კანდიდატის სტატუსის მიღება, შევინარჩუნეთ სახელმწიფო ინსტიტუტების სიმყარე. გადავაწყვეთ ენერგეტიკული სისტემა - ჩვენ გავუძლებთ, ჩვენ გავიმარჯვებთ,- ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვაში ისაუბრა.
უკრაინის ქალაქ ვინიცაზე 14 ივნისს განხორციელებული სარაკეტო იერიშის შედეგად დაღუპულთა რაოდენობა 24-მდე გაიზარდა. ამის შესახებ იტყობინება ვინიცის საოლქო სამხედრო ადმინისტრაციის ხელმძღვანელი სერჰი ბორზოვი.
რუსეთის მიერ უკრაინის ქალაქ ვინიცაზე განხორციელებული თავდასხმის შემდეგ, უკრაინაში ამერიკის შეერთებული შტატების საელჩო მოქალაქეებს მოუწოდებს, არ გაემგზავრონ უკრაინაში, ქვეყანაში უკვე მყოფ ამერიკელებს კი უკრაინის დატოვებისკენ მოუწოდებს.
უკრაინის პრეზიდენტ ვოლოდიმირ ზელენსკის განცხადებით, ქალაქ ვინიცაზე სარაკეტო თავდასხმამ კიდევ ერთხელ აჩვენა, რომ რუსეთი ოფიციალურად უნდა აღიარონ ტერორისტულ სახელმწიფოდ. ზელენსკის თქმით, მსოფლიოს არცერთი სხვა ქვეყანა არ წარმოადგენს ისეთ ტერორისტულ საფრთხეს, როგორსაც რუსეთი.
ლატვია 2023 წლისთვის რუსეთიდან გაზის იმპორტს კრძალავს.
