კოსმოსში პირველად გაუშვეს იაპონური აპარატი, რომელიც მთვარეზე დაჯდება. სტარტი განხორციელდა აშშ-ის ფლორიდის შტატში მდებარე კანავერალის კონცხიდან. კოსმოსური აპარატი HAKUTO-R-ი, რომელიც კომპანია ispace-ის მიერაა აგებული, კორპორაცია SpaceX-ის მიერ წარმოებულმა რაკეტა Falcon9-მ გაიყვანა კოსმოსში.
მრავალი აფეთქება მოხდა რუსეთის მიერ ოკუპირებულ უკრაინულ ქალაქ მელიტოპოლში, დონეცკის თვითგამოცხადებულ სახალხო რესპუბლიკასა და ანექსირებულ ყირიმში, მათ შორის რუსეთის სამხედრო ყაზარმებში. ამის შესახებ ინფორმაციას CNN-ი ავრცელებს.
ევროკავშირმა რუსეთის მოქალაქეებისა და რუსული კომპანიების კუთვნილი 18,9 მილიარდი ევრო გაყინა. ამის შესახებ ინფორმაციას „დოიჩე ველე“ ავრცელებს.
ბრიტანული გამოცემა „თაიმსის“ ცნობით, აშშ-მა უკრაინას მწვანე შუქი აუნთო რუსეთის ტერიტორიაზე დარტყმებისთვის. ამის შესახებ ინფორმაციას გამოცემა პენტაგონში საკუთარ წყაროზე დაყრდნობით ავრცელებს.
2022 წელს მკვეთრად გაიზარდა სამსახურებრივი მოვალეობის შესრულების დროს დაღუპულ მასმედიის თანამშრომელთა რიცხვი. ამას ხელი შეუწყო უკრაინაში ომმა, ქოაოსმა ჰაიტიში და დანაშაულებრივი დაჯგუფებების მხრიდან ძალადობის გაზრდამ, ნათქვამია ჟურნალისტთა საერთაშორისო ფედერაციის ყოველწლიურ ანგარიშში.
ბრიტანეთის სამხედრო დაზვერვის ინფორმაციით, რუსეთმა დახარჯა საკუთარი ბალისტიკური რაკეტების, SS-26 „ისკანდერის“, მარაგის მნიშვნელოვანი ნაწილი.
