განახლებული მონაცემები საქართველოს ეროვნული ბანკის ვებგვერდზეა გამოქვეყნებული.

გასულ თვეში საქართველოში სულ 535,3 მლნ აშშ დოლარის ოდენობის თანხა გადმოირიცხა, საიდანაც 317,3 მლნ აშშ დოლარი რუსეთზე მოდის. დანარჩენი ქვეყნებიდან კი თითქმის 1,5-ჯერ ნაკლები, 218 მლნ აშშ დოლარია გადმოგზავნილი. ეს ნიშნავს, რომ რუსეთიდან გადმორიცხულია თანხის 59 პროცენტზე მეტი.

ბოლო ერთ წელში რუსეთიდან საქართველოში გადმორიცხულია ჯამში 2 მილიარდ ამერიკულ დოლარზე მეტი.

რუსეთიდან გადმორიცხული თანხა 2022 წელს (წინა წლის იმავე თვესთან შედარებით):

დეკემბერი - $317,31 მლნ, გაზრდილია 699,23%-ით;

ნოემბერი - $316,14 მლნ, გაზრდილია 819,11%-ით;

ოქტომბერი - $299,28 მლნ, გაზრდილია 725,59%-ით;

სექტემბერი - $137,94 მლნ, გაზრდილია 350,97%-ით;

აგვისტო - $110,94 მლნ, გაზრდილია 194,64%-ით;

ივლისი - $100,9 მლნ, გაზრდილია 150,75%-ით;

ივნისი - $231,44 მლნ, გაზრდილია 492,2%-ით;

მაისი - $313,9 მლნ, გაზრდილია 888,73%-ით;

აპრილი - $132,98 მლნ, გაზრდილია 298,77%-ით;

მარტი - $27 მლნ, კლება 16,12%-ით;

თებერვალი - $21,94 მლნ, კლება 12,7%-ით;

იანვარი - $22,38 მლნ, კლება 3,43%-ით.

რუსეთიდან დეკემბერში გადმოგზავნილი თანხა წლების მიხედვით:

2022 წლის დეკემბერი - $317,31 მლნ;

2021 წლის დეკემბერი - $39,7 მლნ;

2020 წლის დეკემბერი - $40,71 მლნ;

2019 წლის დეკემბერი - $43,82 მლნ.

უკრაინაში ომის დაწყების შემდეგ რუსეთის წინააღმდეგ სანქციების დაწესების პარალელურად, საქართველოში გაიზარდა ამ ქვეყნიდან შემოსული მოქალაქეების რაოდენობა. საქართველოს რუსეთთან უვიზო მიმოსვლა აქვს დაწესებული.