საქართველოს პრემიერ-მინისტრმა ირაკლი ღარიბაშვილმა საქართველოს კათოლიკოს-პატრიარქს, უწმინდეს და უნეტარეს ილია მეორეს დაბადების დღე მიულოცა.
საქართველოს მთავრობა მიისწრაფვის ერთპარტიული მმართველობისკენ, - ამის შესახებ საქართველოში აშშ-ის ყოფილი ელჩი იან კელი "ტვიტერზე" წერს, რითაც ეხმაურება საქართველოში აშშ-ის საელჩოს მიერ გავრცელებულ განცხადებას.
Stopcov.ge-ზე გამოქვეყნებული ინფორმაციის თანახმად, ინტენსიური ტესტირების ფარგლებში, ბოლო 24 საათში ქვეყნის მასშტაბით ჩატარდა 39 315 კვლევა ტესტით, მათ შორის 26 302 კვლევა ანტიგენის ტესტით და 13 013 PCR ტესტით.ჩატარებული ტესტირების შედეგად, ბოლო 24 საათში გამოვლინდა ვირუსით ინფიცირების 3 590 ახალი დადასტურებული შემთხვევა.
დღეს, სრულიად საქართველოს კათოლიკოს-პატრიარქის, უწმინდესისა და უნეტარესის, ილია მეორის დაბადების დღეა. მას 89 წელი შეუსრულდა.
ეროვნული ბანკის მიერ გამოქვეყნებული მონაცემების თანახმად, დღევანდელი ვაჭრობის შედეგად 1 აშშ დოლარის ღირებულებამ 3.0887 ლარი შეადგინა. კურსი, რომელიც დღეს მოქმედებდა, 3.0892 ლარი იყო. შესაბამისად, დოლარის ცვლილებამ ეროვნულ ვალუტასთან მიმართებაში 0.0005 ლარი შეადგინა.
რუსეთის ლიდერის ვლადიმერ პუტინის მიერ გატარებულ საგარეო პოლიტიკას ეხება გერმანული „დოიჩე ველეს“ (Deutsche Welle) ვებ-გვერდზე გამოქვეყნებული სტატია სათაურით „ახლა უკვე ნათელი ხდება, თუ რა უნდა პუტინს“ (ავტორი - კონსტანტინე ეგერტი, პოლიმიმომხილველი).
ევროკავშირისა და ნატოს ევროპელი წევრების ლიდერებს რუსეთის მიმართ მტკიცე პოზიციის გამოხატვისაკენ მოუწოდებს გერმანიის ერთ-ერთი წამყვანი გაზეთი „ფრანკფურტერ ალჰემაინე ცაიტუნგი“ (FAZ - Frankfurter Allgemeine Zeitung), რომელიც აქვეყნებს რედაქტორის კლაუს-დიტერ ფრანკენბერგერის სტატიას „ნუთუ ისევ აშშ-ის იმედზე უნდა ვიყოთ?“.
ჯო ბაიდენსა და ვლადიმერ პუტინს შორის 30 დეკემბერს მომხდარი სატელეფონო საუბრის შემდეგ ამერიკულმა ანალიტიკურმა ცენტრმა „ატლანტიურმა საბჭომ“ (Atlantic council) გამოაქვეყნა ოცდაოთხი ავტორიტეტული ექსპერტის ღია წერილი სათაურით „როგორ უნდა ვებრძოლოთ ევროპაში კრემლის მიერ შექმნილ კრიზისს“, რომელშიც ავტორები მოუწოდებენ აშშ-ის პრეზიდენტს მკაცრად გასცეს პასუხი მოსკოვის პრეტენზიულ მოთხოვნებს.
დაავადებათა კონტროლის ეროვნული ცენტრის ხელმძღვანელ ამირან გამყრელიძის განცხადებით, საქართველოში ლაბორატორიულად „ომიკრონის“ 147 შემთხვევაა დადასტურებული, თუმცა რეალურად აღნიშნული შტამით ინფიცირების მაჩვენებელი შესაძლოა, ოთხჯერ მეტი იყოს.