მინდა აღვნიშნო ხაზგასმით - საზოგადოებრივი სამუშაო არ განაპირობებს სოციალური დახმარების შეწყვეტას,- ამის შესახებ საქართველოს პრემიერ-მინისტრმა ირაკლი ღარიბაშვილმა, მთავრობის სხდომაზე განაცხადა.
როგორც პრემიერმა აღნიშნა, საზოგადოებრივი სამუშაოები სპეციალურად სამიზნე ჯგუფებისთვის შეიქმნება და ისეთ სამუშაოს გულისხმობს, რომლის შესრულებაც ნებისმიერი კვალიფიკაციის მქონე პირს შეუძლია.
„ჩვენი მოქალაქეებისთვის დეტალურად განვმარტო - საზოგადოებრივი სამუშაოები სპეციალურად სამიზნე ჯგუფებისთვის შეიქმნება და ისეთ სამუშაოს გულისხმობს, რომლის შესრულებაც ნებისმიერი კვალიფიკაციის მქონე პირს შეუძლია. ეს ხელს შეუწყობს ჩვენი მოქალაქეების მოტივაციის ამაღლებას, წაახალისებს მათ შრომის ბაზარზე გასააქტიურებლად. პროგრამა, როგორც აღვნიშნე საუკეთესო დასავლური პრაქტიკის შესწავლის შედეგად შევიმუშავეთ. აქ ჩვენ მივიღებთ ორმაგ შედეგს - ერთის მხრივ, გაიზრდება სოციალური ემწეობის მიმღებ უმუშევართა შემოსავლებიდა ამავდროულად, ახალი ინფრასტრუქტურის შექმნის, ან არსებულის გასაუმჯობესებლად შექმნის მნიშვნელოვან საზოგადოებრივ სიკეთეს. ამ პროგრამით ისარგებლებენ 18 წლიდან საპენსიო ასაკამდე სოციალური შემწეობის მიმღები შრომისუნარიანი პირები, რომელთაც არ აქვთ მინიჭებული შშმ სტატუსი ან არ აქვთ ჯანმრთელობის მძიმე პრობლემები. ჩვენი პროგნოზით, სულ დასაქმდება 200 000 ადამიანი. პირველ ეტაპზე მუნიციპალიტეტები, გარემოს დაცვისა და სოფლის მეურნეობის სამინისტრო, სხვა სამინისტროები ყველანი მოახდენენ 50 000-დე ვაკანსიის მობილიზებას. წელს ჩვენ შესაძლოა, 100 000-ზეც კი გავიდეთ. ჩვენ არ გვაქვს ლიმიტი. პროგრამას განახორციელებს დასაქმების სახელმწიფო სააგენტო და მოსარგებლეს ექნება შესაძლებლობა, აირჩიოს ან საზოგადოებრივი სამუშაო, ან შრომის ბაზარზე არსებული უნარ-ჩვევების, გამოცდილებისა და პროფესიული განვითარების შესაბამისი ვაკანსია. ან თუ მოსარგებლე დასაქმებულია არაფორმალურ, სექტორში, დასაქმების ფორმალიზება რომ მოახდინოს. ან პროფესიული მომზადების და გადამზადების ქვეპროგრამებში ჩაერთოს.
მინდა აღვნიშნო ხაზგასმით - საზოგადოებრივი სამუშაო არ განაპირობებს სოციალური დახმარების შეწყვეტას. მოსარგებლის ოჯახს 4 წლის განმავლობაში შეუნარჩუნდება საარსებო შემწეობა. ის დახმარება, რასაც ის დღეს იღებს, მიეცემა მომდევნო 4 წლის განმავლობაში და ჩვენ ამას არ შევეხებით. ამ პროგრამაში ჩართულ თითოეულ მოქალაქეს მიეცემა დამატებით 300 ლარი. ერთის მხრივ, ისინი მიიღებენ სოციალურ დახმარებას, რაც ზოგიერთ შემთხვევაში შეიძლება იყოს 400-500 ლარი, შეიძლება ეს იყოს 700-800 ლარიც და ამას გარდა, 300 ლარი ექნება დამატებით სახელმწიფოსგან. მოსარგებლეს შემწეობა გაუგრძელდება მაშინაც, თუ ის არ დათანხმდება არცერთ შემოთავაზებას, მაგრამ ერთი წლის შემდეგ ოჯახის სოციალურ-ეკონომიკური მგდომარეობა ხელახლა გადამოწმდება, რაც, ვფიქრობთ, სამართლიანია. რა თქმა უნდა, ამ დროის განმავლობაში მას შეუძლია შეცვალოს გადაწყვეტილება და ხელახლა მიმართოს დასაქმების სააგენტოს, ან სოციალური მომსახურების სააგენტოს. საზოგადოებრივი სამუშაოს მასშტაბური პროგრამა იქცევა ჩვენი ვარაუდით უმნიშვნელოვანეს ნაბიჯად სიღარიბის დაძლევის გზაზე. ერთის მხრივ, 200 000-ზე მეტ ჩვენს თანამოქალაქეს მივცემთ უკეთეს შემოსავალს, ღირსეული შრომის პირობებს და თვითრეალიზაციის საშუალებას და მეორეს მხრივ, ისინი უნდა ვაქციოთ კონკურენტულ, მოტივირებულ ადამიანებად, რომლებიც სრულფასოვნად ჩაერთვებიან ჩვენი ქვეყნის აღმშენებლობის პროცესში", - განაცხადა პრემიერმა.
Stopcov.ge-ზე გამოქვეყნებული ინფორმაციის თანახმად, დღევანდელი მონაცემებით, ჩატარდა 9 688 ტესტი, გამოვლინდა ინფიცირების 4 028 ახალი შემთხვევა, გამოჯანმრთელდა 22 517 პირი, დადებითობის დღიური მაჩვენებელი არის 41.58%.
დეპოლარიზაციას ორი რამ სჭირდება. ერთი ეს არის „ერთიანი ნაციონალური მოძრაობის“ დასუსტება, მეორე - ჯანსაღი საპარლამენტო სამუშაო პროცესი “,- ამის შესახებ „ქართული ოცნების“ თავმჯდომარემ ირაკლი კობახიძემ ჟურნალისტებთან საუბრისას განაცხადა.
როგორც კობახიძე განმარტავს, მაქსიმუმს გააკეთებს „ქართული ოცნება“, რათა „ნაციონალური მოძრაობა“ დასუსტდეს, ამასთან შედგეს ჯანსაღი საპარლამენტო სამუშაო პროცესი.
„იმისთვის, რომ საქართველოში დეპოლარიზაცია მოხდეს, ამას ორი რამ სჭირდება. ერთი, ეს არის „ერთიანი ნაციონალური მოძრაობის“ დასუსტება, მეორე ჯანსაღი საპარლამენტო სამუშაო პროცესი. ჩვენ მაქსიმუმს გავაკეთებთ ერთისთვის და მეორესთვის. ერთი „ნაციონალური მოძრაობა“ რომ დასუსტდეს და მეორე შედგეს ჯანსაღი საპარლამენტო სამუშაო პროცესი“,- აღნიშნავს კობახიძე.
უკრაინის საგარეო საქმეთა სამინისტრო საკუთარ მოქალაქეებს სიმშვიდის შენარჩუნებისკენ მოუწოდებს და არწმუნებს, რომ უკრაინის ხელისუფლება ყველაფერს აკეთებს ქვეყანაში სტაბილურობის შესანარჩუნებლად.
საქართველოს საგარეო უწყება უკრაინაში მყოფ საქართველოს მოქალაქეებს მიმართავს და აცხადებს, რომ საელჩო კიევში და საკონსულოები საგანგებო რეჟიმზე გადავიდნენ. ამის შესახებ განცხადებას საქართველოს საგარეო უწყება ავრცელებს.
რუსეთის დიპლომატიური მისიის თანამშრომლები უკრაინას ტოვებენ, - ამის შესახებ „რია ნოვოსტი“ ინფორმირებულ წყაროზე დაყრდნობით იუწყება.
ჯანდაცვის მსოფლიო ორგანიზაციის ხელმძღვანელის, ტედროს ადანომ გებრეისუსის თქმით, პანდემიის მწვავე ფაზა, შესაძლოა, მიმდინარე წელს დასრულდეს, თუკი მსოფლიოს მოსახლეობის დაახლოებით 70 პროცენტი ვაქცინირებული იქნება.
ქუთაისში ტურისტი სცემეს. შემთხვევა ჭავჭავაძის გამზირზე მოხდა. რა გახდა დაპირისპირების მიზეზი, უცნობია.
თელავის მუნიციპალიტეტის სოფელ კონდოლში ცოლ-ქმარი მოკლეს. შემთხვევა სოფლიდან მოშორებით, რამდენიმე კილომეტრში მდებარე ფერმაში მოხდა. გავრცელებული ინფორმაციით, იდენტიფიცირებულია პირი, რომელიც მიმდებარე ტერიტორიაზე მწყემსად მუშაობდა.
შემთხვევის ადგილზე გვიან ღამემდე საგამოძიებო მოქმედებები მიმდინარეობდა.
როგორც დანაშაულის ადგილას მისულმა, გარდაცვლილი ცოლ-ქმრის ნათესავმა გივი ჩიდრაშვილმა გვითხრა, მოკლულები არიან: გია ჯიბიაშვილი და მისი მეუღლე მაკა ზურაბიშვილი.
გივი ჩიდრაშვილი:
"ჩემმა ცოლისდამ დამირეკა თბილისიდან, - ამბობენ, რომ მკვლელობა მოხდა და რა ხდებაო. მე არაფერი ვიცოდი, გამოვიქეცი მანქანით, აქ მხოლოდ ყარაული დამხვდა. ცხედრები გადაესვენებინათ. როგორც ეს ყარაული მოყვა, ის მწყემსი, რომელიც მკვლელობაშია ეჭვმიტანილი, საგარეჯოდან ჩამოსულა სამუშაოდ და ნაციხარი ყოფილა... ამბობენ, მანამდე ისეთი არაფერი შეგვიტყვია, ნორმალურად იქცეოდაო. ბოლო 3-4 თვე უმუშავიათ ერთად. ცოლ-ქმარი მუშაობდა ხოხბების ფერმაში, დღე და ღამე იქ იყვნენ. ეჭვმიტანილიც აქ მუშაობდა, თხებიც ჰყავთ და ეტყობა იმას მწყემსავდა. ჯერ ქმარი მოუკლავს თოფით და მერე ცოლი. ნასროლი ტყვია კედელსაც აქვს მოხვედრილი, აგერ ნატყვიარი ეტყობა. ამბობენ, რომ ფული აიღეს ცოლ-ქმარმა და იმის გამოძალვას ცდილობდა. როგორც ჩანს, ამან თოფი რომ გადმოიტანა, ეს ჩემი ნათესავი გაიქცა გარეთ და უკნიდან ესროლა, გარეთ ნახეს მკვდარი. თავში აქვს მოხვედრილიო, მობრუნებულა და ახლა ცოლისთვისაც უსვრია. ბავშვი აუყვანია მეორე სართულზე და დაუბია. უფროსთან მოუსწრია ცოლს გარდაცვალებამდე დარეკვა, უთქვამს, - ჩემი ქმარი მოკლა, მეც ვკვდები, მოგვხედეთო... მერე უფროსს დაურეკია მეორე ყარაულისთვის, იმან არაფერი იცოდა, შინ იყო, გადმოსულა და უნახავს ეს ამბავი. ის გაქცეულია. დაკავებული არ არის ჯერ, ეძებენ. თუ არ ვცდება მოკლული გოგო 42, ქმარი კი 43 წლის იქნებოდა.."
შავი ზღვა ნატოსთვის სასიცოცხლო სტრატეგიული მნიშვნელობის რეგიონია, რეგიონში გვყავს ნატოს სამი მოკავშირე, ასევე ჩვენი ახლო პარტნიორები, უკრაინა და საქართველო, ასე რომ, რეგიონში უსაფრთხოებას ნატოსთვის უდიდესი მნიშვნელობა აქვს, - ამის შესახებ ნატო-ს გენერალურმა მდივანმა, იენს სტოლტენბერგმა რუმინეთში, ქვეყნის პრეზიდენტთან, კლაუს იოჰანისთან გამართულ ერთობლივ პრესკონფერენციაზე განაცხადა.
