"შენიშნავდით, რომ შუაშისტები სულ ერთი და იგივე ადამიანები და სოციალური ჯგუფებია. წინა 9 წელს ემდუროდნენ რადგან მერიტოკრატიაში მუქთა ადგილები და პრივილეგიები არ მოინახა მათთვის - არადა ისინი იყვნენ "ვიღაცების" შვილები, დის და ძმის შვილები. ანუ, თბილისურმა ფსევდო ელიტამ (ცხადია ფსევდო, იმიტომ რომ ნამდვილ ელიტას სწორედ მერიტოკრატიული სელექცია ქმნის), ვერ აიტანა მათზე "თავსდასმული" "პროვინციელები". იგივე ხალხი შემოუწყრა შემდეგ ივანიშვილს, რომელმაც მათ არ დაუფასა ღვაწლი და თავს კობახიძეები დაასვა.

ცნობისთვის, ივანიშვილი ყოველთვის ის იყო, რაც დღესაა. მაგრამ, ნებაყოფლობით არავინ განდგომია მას. არც ერთი პოლიტიკოსი თუ "შუაშისტი ამომრჩეველი". მან თავად (ჩა)მოიშორა ყველა, რის შედეგადაც მათ ივანიშვილში უეცრად აღმოაჩინეს რუსი ოლიგარქი ავტოკრატი.

არ დავუშვათ იგივე შეცდომები და არ აგვერიოს შავი თეთრში მარტო იმიტომ, რომ დღეს ყველა ოპორტუნისტი ნაცრისფერია,"- წერს ნინო კალანდაძე.