ჩვენ არასდროს დავარღვევთ ჩვენს დაპირებას, რომ დავიცავთ ნატო-ს ტერიტორიის თითოეულ სანტიმეტრს, – ამის შესახებ აშშ-ის პრეზიდენტმა, ჯო ბაიდენმა ფინეთის პრეზიდენტ საული ნიინისტესა და შვედეთის პრემიერ-მინისტრ მაგდელენა ანდერსონთან ​ერთად გამართულ ბრიფინგზე განაცხადა.

სურსათის ეროვნული სააგენტოს ინიციატივითა და FAO-ს ცხოველთა იდენტიფიკაცია-რეგისტრაციის ელექტრონული სისტემის (NAITS) პროექტის მხარდაჭერით, სამომხმარებლო ბაზარზე ხორცი QR კოდით განთავსდება. ამასთან დაკავშირებით, სურსათის ეროვნული სააგენტო ქვეყნის მასშტაბით არსებულ სასაკლაოებს შესაბამისი ტექნიკურ აღჭურვილობას გადასცემს. ინფორმაციას სურსათის ეროვნული სააგენტო ავრცელებს.

მადლობა საქართველოში ჩვენს პარტნიორებს, რომლებიც ომის პირველივე დღიდან მხარს უჭერენ ჩვენს ერს, მადლობა მხარდაჭერისთვის თქვენს მთავრობას, რომ ასე ძმურად ექცევით უკრაინელ ერს და მარიუპოლელებს, – ამის შესახებ საქართველოს პირველ არხთან ექსკლუზიურ ინტერვიუში მარიუპოლის მერმა, ვადიმ ბოიჩენკომ განაცხადა.

თბილისის რამდენიმე სკოლის მოსწავლეთა მშობლების ინფორმაციით, ერთდღიან ექსკურსიებზე წასასვლელად სკოლის ადმინისტრაციამ მათ მოსწავლეთა ჯანმრთელობის დაზღვევის წარდგენა მოსთხოვა.

როგორც „ინტერპრესნიუსს“ მშობლების ნაწილმა განუცხადა, დაზღვევისთვის მათ დამატებით 4 ლარი უნდა გადაეხადათ.

ამასთან, განათლებისა და მეცნიერების სამინისტრო უარყოფს მშობლების მიერ გავრცელებულ ინფორმაციას და აცხადებს, რომ ექსკურსიის ორგანიზებისას დაზღვევის წარდგენა მათი მოთხოვნა არ არის.

სამინისტროში განაცხადეს, სკოლამ ექსკურსიის ორგანიზებისას მხოლოდ ის რეგულაციები უნდა დაიცვას, რომელიც საგანმანათლებლო რესურსცენტრებისთვის გაიცა.

ამასთან, „ინტერპრესნიუსმა“ ინფორმაცია ერთ-ერთ საჯარო სკოლაში გადაამოწმა, სადაც მოსწავლეთა მშობლების ინფორმაციით, დაზღვევა მოითხოვეს, თუმცა სკოლის ადმინისტრია აღნიშნულს უარყოფს და აცხადებს, რომ ჯანმრთელობის დაზღვევის წარდგენა მოსწავლეებისთვის მათ არ დაუვალებიათ.

ცნობისთვის, განათლების სამინისტრო სკოლებს მხოლოდ ერთდღიანი ექსკურსიის მოწყობის უფლებას აძლევს, მოსწავლეების ღამისთევით ქალაქიდან გასვლა კი იკრძალება. ამასთან, განათლებისა და მეცნიერების სამინისტროს ინფორმაციით, ექსკურსიის ადგილის შერჩევა უნდა მოხდეს ისე, რომ მანძილი სკოლიდან ლოკაციამდე 150 კმ-ს არ აღემატებოდეს.

გარდა ამისა, ზოგადადსაგანმანათლებლო დაწესებულებებისთვის სამინისტროს მიერ განსაზღვრული რეკომენდაციების მიხედვით, მნიშვნელოვანია, ექსკურსიის დროს არასრულწლოვნები არ მოხვდნენ მდინარისა და წყალსაცავების მიმდებარე ტერიტორიაზე, მეწყერსაშიშ და სხვა დაუცველ ტერიტორიებზე. ასევე, როგორც განათლების სამინისტროში სააგენტოს განუმარტეს, ექსკურსიაში მონაწილე სრულწლოვან პირთა შორის უნდა იყოს სულ მცირე ერთი ქმედუნარიანი პირი, რომელსაც აქვს პირველადი სამედიცინო დახმარების აღმოჩენის უნარ-ჩვევები.

მიუხედავად იმისა, რომ ძალიან ბევრი განცხადება მოგვისმენია იმასთან დაკავშირებით, რომ ჩემი განადგურებით იმუქრებოდა, ძალიან ბევრი სიძულვილის ენა, ბოროტება, თუკი რაიმე ცუდი არსებობს ამ ადამიანისგან მოდიოდა, რა თქმა უნდა, მე არ მიხარია არავის დაჭერა და დაკავება, -

როდესაც ადამიანი ხელყოფს ოჯახის სიწმინდეს, შეურაცხყოფს მას, როდესაც ადამიანი აკნინებს სიტყვის ნიჭს და უარყოფს რელიგიას, რა თქმა უნდა, ეს იმას ნიშნავს, რომ ადამიანი გონებასაც კარგავს, - ამის შესახებ საპატრიარქო ტახტის მოსაყდრემ, სენაკისა და ჩხოროწყუს მიტროპოლიტმა, მეუფე შიომ (მუჯირი) ოჯახის სიწმინდის დღესთან დაკავშირებით ქადაგებისას განაცხადა.