თევზი ბერვად უფრო ადვილად მოსანელებლი საკვებია, ვირდე ხოცრი; თევზის შემადგენლობაში შემავალ ცილებსა და ცხიმებს კაგრად ითვისებს ადამიაინის ორგანიზი.
თურქეთსა და სირიაში 6 თებერვალს მომხდარმა დამანგრეველმა მიწისძვრამ ათიათასობით ადამიანი იმსხვერპლა. მაშველები ამ დრომდე აგრძელებენ მუშაობას.
რა წესებით გვაიძულებენ თამაშს?! კორუფციის, ტყუილის, ბინძური ინტერესების ჭაობში გვეპატიჟებიან?! უნდათ რომ მათთან ერთად გავიხრწნათ და ჩავიძიროთ?!
ისრაელში დასაქმების მსურველი საქართველოს მოქალაქეებისთვის პროფესიების ჩამონათვალი, შესაძლოა, გაფართოვდეს. ამის შესახებ „ინტერპრესნიუსს“ ჯანდაცვის მინისტრის მოადგილე თამარ ბარკალაიამ განუცხადა და როგორც აღნიშნა, ისრაელში საქართველოს მოქალაქეების დასასაქმებლად პროფესიების ჩამონათვალის გამრავალფეროვნების მიმართულებით უწყება უკვე მუშაობს.
მისივე განმარტებით, ამ ეტაპზე, ისრაელში გერიატრიული ასისტენტის პროფესიაზეა მოთხოვნა.
ამასთან, როგორც ბარკალაიამ აღნიშნა, საქართველო მსურველებს ამ მიმართულებით მოსამზადებელ კურსებს უფასოდ სთავაზობს.
„გერმანიაში არაკვალიფიციურ მუშახელზეა მოთხოვნა და ძირითადად, სეზონურ სამუშაოებზე. ისრაელში კონკრეტულად, გერიატრიული ასისტენტის პროფესიის მქონე პირები ესაჭიროებათ. არსებობს ის მინიმალური სტანდარტები, რომელიც ისრაელში სამუშაოდ აქედან გაგზავნილმა საქართველოს მოქალაქემ უნდა დააკმაყოფილოს. ამ მინიმალური სტანდარტების დასაკმაყოფილებლად ტრენინგ-კურსებიც გაკეთდა, მომზადდა და გადამზადდნენ ჩვენი მოქალაქეები იქამდე, სანამ ისრაელში წავიდოდნენ. სახელმწიფო აფინანსებს ამ ტრენინგ-კურსებს. ასევე, განვიხილავთ ისრაელში პროფესიების გამრავალფეროვნებასაც იმიტომ, რომ ისრაელს სხვა მოთხოვნადი პროფესიებიც აქვს და საჭიროებაც შესაბამისად არის. ცირკულარულ მიგრაციაში მნიშვნელოვანია მოთხოვნა - მიწოდებას შორის სწორი ბალანსი დავიცვათ ანუ მიმღებ ქვეყანაში მიწოდებით ჩვენს ქვეყანაში არ შეიქმნას დეფიციტი. აქედან გამომდინარე ჩვენთვისაც მნიშვნელოვანია ბალანსი იყოს დაცული.
ზოგადად, მოთხოვნადი პროფესიები, არამარტო ისრაელში, არამედ ევროკავშირის ქვეყანათა უმრავლესობაში არის სატრანსპორტო- ლოჯისტიკური, სამშენებლო და სასტუმრო-სარესტორნო პროფესიები. ვფიქრობთ, რომ მოთხოვნა ამ მიმართულებით იქნება და გაიზრდება, თუმცა ამ მიმართულებით მოთხოვნა ჩვენთანაც, ადგილობრივ ბაზარზე საკმაოდ მაღალია. აქტიურად ვთანამშრომლობთ ადგილობრივ დამსაქმებლებთან, რომ, პირველ რიგში, ადგილობრივ ბაზარზე მოთხოვნები დავაკმაყოფილოთ და სამუშაოს მაძიებლებს ის კვალიფიკაცია შევძინოთ, რომელიც სჭირდება ადგილობრივ ბიზნესს მოქალაქეები აქვე რომ დასაქმდნენ.
არსებობს მოკლევადიანი მომზადება - გადამზადების კურსები. ამ მიმართულებით უფრო მეტი რესურსის ჩადებას ვფიქრობთ და უფრო მჭიდრო თანამშრომლობას უშუალოდ დამსაქმებლებთან, რომ დამსაქმებლებს მივცეთ შესაძლებლობა, ისინი გავაძლიეროთ, რათა თვითონ დაატრენინგონ მათთვის მოთხოვნად კვალიფიკაციაში მაძიებელი და შემდეგ უკვე დაასაქმონ“, - განაცხადა ბარკალაიამ.
გარდა ამისა, მისი ინფორმაციით, დასაქმების მაძიებლების პირველი 17-კაციანი ჯგუფი ისრაელში დეკემბერში უკვე გაემგზავრა, მეორე ჯგუფი კი უახლოეს პერიოდში გეგმავს წასვლას.
„იცით, რომ ცირკულარული მიგრაციის დასაქმების პროგრამა გერმანიასთან უკვე მიმდინარეობს. გასული წლის მონაცემებით, გერმანიაში სეზონურ სამუშაოებზე საქართველოს 1500-ზე მეტი მოქალაქე დასაქმდა. გერმანიის დასაქმების სააგენტო და საქართველოს დასაქმების სააგენტო ვაგრძელებთ მუშაობას, რათა გერმანიის მხრიდან კიდევ უფრო მეტი ვაკანსია იყოს მოწოდებული და კიდევ უფრო მეტ საქართველოს მოქალაქეს მიეცეს გერმანიაში სეზონურად დასაქმების შესაძლებლობა. რაც შეეხება სხვა ქვეყნებს, საფრანგეთთან გაფორმებული ხელშეკრულების ფარგლებში, საქართველოს მოქალაქეები სარგებლობენ ლეგალური დასაქმების მექანიზმებით, თუმცა, გერმანიისგან განსხვავებით, ამ შემთხვევაში, ჩართულობა სახელმწიფო სტრუქტურების არ არის, ეს არის საფრანგეთის მხარის მიერ სამუშაო ვიზის გამარტივებული წესით გაცემის მექანიზმი, რომელიც ბოლო ოთხი წელია მოქმედებს. საფრანგეთი სამუშაოს მაძიებელ საქართველოს მოქალაქეს სამუშაო ვიზას მარტივი პროცედურების დაცვით უფორმებს.
ისრაელთანაც გავმართეთ ანალოგიური მექანიზმი, ამ შემთხვევაშიც, როგორც ჩვენი, ასევე ისრაელის მხრიდან სახელმწიფო დასაქმების სტრუქტურები არიან ჩართულები. დეკემბერში ისრაელში პირველი 17 მოქალაქე უკვე წავიდა. გავაგრძელებთ მუშაობას იმისთვის, რომ ისრაელში წასვლის შესაძლებლობა უფრო მეტს მიეცეს. აქაც დამოკიდებული ვართ ისრაელიდან მოწოდებულ ვაკანსიებზე, თუმცა პირველი ყინული გალღვა და დეკემბერში 1-ელი ჯგუფი წავიდა. უახლოეს მომავალში, მეორე ჯგუფიც ემზადება ისრაელში დასაქმებისთვის. მეორე ჯგუფის ფარგლებში, 12 ადამიანი მზადაა, თუმცა ესეც განახლებადი პროცესია და ყოველდღიურად იცვლება სურათი“ ,- განაცხადა ბარკალაიამ.
შინაგან საქმეთა სამინისტრომ ბოლო პერიოდში, მთელი ქვეყნის მასშტაბით ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულისთვის 45 პირი დააკავა.
მმართველი პარტიის, "ქართული ოცნების" დეპუტატი, მიხეილ სარჯველაძე "უცხოური აგენტების" სიაზე "ხალხის ძალის" კანონპროექტს აფასებს და ამბობს, რომ "საზოგადოებას უფლება აქვს, ხედავდეს, ვინ როგორ ფინანსდება.
აშშ-ის პრეზიდენტის ადმინისტრაციამ გააფრთხილა უკრაინის ხელისუფლება, რომ რუსეთთან ომში დგება გადამწყვეტი მომენტი და უკრაინის არმიამ უნდა მიაღწიოს რაც შეიძლება მეტ წარმატებას ბრძოლის ველზე, როდესაც ის იღებს დიდი რაოდენობით დასავლურ სამხედრო დახმარებას.
სააკაშვილი დღეს ე.წ. მეგობრებთან ერთად ცდილობს ციხეს თავი დააღწიოს. ვითომ ჯანმრთელობის მდგომარეობის გაუარესება დადგმული სცენარია, - ამის შესახებ დედაქალაქის მერმა, კახა კალაძემ განაცხადა.
ისეთი ადამიანები, როგორიც მერაბიშვილი და ხაბეიშვილია, რა თქმა უნდა, მმართველი პარტიისთვის კარგია - ხაბეიშვილის თავმჯდომარეობით „ნაციონალურ მოძრაობას“ მეტეორი მოხვდა, - ამის შესახებ დედაქალაქის მერმა, კახა კალაძემ ჟურნალისტებთან განაცხადა.
როგორც ჩანს, მზადებაა, რომ შედეგი დაიდოს, მე კი ვეტყვი, რომ შედეგს ვხედავთ და ძალიან მოხარული ვართ - მადლობა ბატონ მერაბიშვილს, ჩემს „ხაბეს", - ამის შესახებ ჟურნალისტებთან საპარლამენტო უმრავლესობის წევრმა ირაკლი ზარქუამ განაცხადა, რითაც ყოფილი შს მინისტრის ვანო მერაბიშვილის განცხადებას გამოეხმაურა.
