აშშ-ში, ნიუ-ჯერსის პიინლენდში, ატლანტის ოკეანის სანაპირო ქალაქების მახლობლად, სწრაფად მზარდი ტყის ხანძარს ებრძვიან.
83-ხმით, ერთხმად - პარლამენტმა პირველი მოსმენით მიიღო „ქართული ოცნების“ საკანონმდებლო ინიციატივა, რომლის ამოქმედების შემდეგ საერთაშორისო ორგანიზაციებს პოლიტიკური პარტიებისთვის ლექციის, სემინარის ან სხვა მსგავსი საჯარო ღონისძიების მოწყობა აეკრძალებათ. ამავე პაკეტის გათვალისწინებით, საერთაშორისო დონორი ორგანიზაციები გრანტს მთავრობის თანხმობის გარეშე ვეღარ გასცემენ.
პატიმრობაში მყოფი საქართველოს მესამე პრეზიდენტი მიხეილ სააკაშვილი, რომელიც „ნაციონალური მოძრაობის“ ლიდერია, საჯაროდ გამოქვეყნებულ წერილში პარტიაში პროცესების წარმართვის ახალი გზების საჭიროებებზე საუბრობს.
“პარტია არ შეიძლება, იმართებოდეს ჩემი წერილებით ან ვიწრო, თუნდაც ძალიან ნიჭიერი ჯგუფის გადაწყვეტილებებით. ჩვენ საქართველოში ყოველთვის ნოვატორები ვიყავით და ახლაც გთავაზობთ, შემოვიღოთ გადაწყვეტილების მიღების სრულიად ახალი მეთოდი – ყველა ძირითადი გადაწყვეტილების მიღება ელექტრონულად და კენჭისყრით”, – ამის შესახებ საქართველოს მსჯავრდებული ექსპრეზიდენტი, მიხეილ სააკაშვილი სოციალურ ქსელში წერს.
“თქვენ იცით, რომ პარტიების აკრძალვის მექანიზმი ახლაც არის ჩადებული კანონმდებლობაში, უბრალოდ ჩვენ ახლა დამატებით შემოგვაქვს მექანიზმები, საიმისოდ, რომ ნებისმიერი ის პარტია, რომლის საქმიანობა მიმართული იქნება ჩვენი ქვეყნისა და ჩვენი ხალხის წინააღმდეგ, იყოს აკრძალული”, – ამის შესახებ გარემოს დაცვისა და ბუნებრივი რესურსების საპარლამენტო კომიტეტის თავმჯდომარის პირველმა მოადგილემ, ვლადიმერ ბოჟაძემ ისაუბრა.
შინაგან საქმეთა სამინისტროს სამეგრელო-ზემო სვანეთის პოლიციის დეპარტამენტის დეტექტივების (ოპერატიული) და საგამოძიებო სამმართველოების თანამშრომლებმა, ერთობლივად ჩატარებული ოპერატიული ღონისძიებებისა და საგამოძიებო მოქმედებების შედეგად, განსაკუთრებით დიდი ოდენობით ნარკოტიკული საშუალების მართლსაწინააღმდეგო შეძენა-შენახვის ბრალდებით 1995 წელს დაბადებული დ.გ. დააკავეს. ინფორმაციას შსს ავრცელებს.
“ქართული ოცნების” ლიდერ მამუკა მდინარაძის განცხადებით, გავრცელებული ინფორმაცია, რომ ის შინაგან საქმეთა მინისტრის თანამდებობაზე ინიშნება, ჭორია.
“ბოლო წუთამდე არ იტეხდა იხტიბარს ბატონი გახარია, მაგრამ მოუწია აღიარება, რომ გადადგომამდე თურმე, აშშ-ის ელჩთან ჰქონია კომუნიკაცია. რაზე ვილაპარაკეთ არ მახსოვსო. ვისაც გჯერათ ამ კაცის, კიდევ გააგრძელეთ”, – ამის შესახებ “ქართული ოცნების” დეპუტატმა, ირაკლი ზარქუამ განაცხადა.
