„სააკაშვილი ვერ შევა ისტორიაში როგორც აღმაშენებელი, სააკაშვილი შევა ისტორიაში როგორც მწამებელი, მკვლელი და ქონების რეკეტიორი, ბიზნესის მჩაგვრელი – მისი ადგილი არის საკანში,“ – ამის შესახებ პარლამენტის დროებითი საგამოძიებო კომისიის სხდომაზე, კომისიის თავმჯდომარემ, თეა წულუკიანმა განაცხადა.
ყოფილმა პრემიერ-მინისტრმა და ოპოზიციური პარტია „გახარია - საქართველოსთვის“ ლიდერმა გიორგი გახარიამ „ქართული ოცნების“ შექმნილ დროებით საგამოძიებო კომისიასთან საუბრის დროს განმარტა, რომ 2019 წლის 20 ივნისის ე.წ. გავრილოვის ღამეს რეზინის ტყვიები მისი ბრძანებით არ გამოუყენებიათ, თუმცა მისთვის უცნობია, ვისი გადაწყვეტილებით მოხდა ეს.
შინაგან საქმეთა სამინისტროს თბილისის პოლიციის დეპარტამენტის გლდანი-ნაძალადევის,დიდუბე-ჩუღურეთის, ისანი-სამგორის და ვაკე-საბურთალოს მთავარი სამმართველოების თანამშრომლებმა, სხვადასხვა დროს ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 4 პირი დააკავეს.
შსს-ს ინფორმაციით, განსაკუთრებით დიდი ოდენობით ნარკოტიკული საშუალებების უკანონო შეძენა-შენახვის, გასაღების, გასაღების მცდელობის და გასაღების მომზადების ბრალდებით დაკავებული არიან: 1984 წელს დაბადებული ს.კ., წარსულში ნასამართლევი და ამჟამად პირობითი მსჯავრის ქვეშ მყოფი 1973 წელს დაბადებული კ.ხ., და წარსულში ნასამართლევები 1992 წელს დაბადებული რ.ა., და 1990 წელს დაბადებული დ.ს.
სამართალდამცველებმა ბრალდებულების, პირადი და ავტომანქანის ჩხრეკის შედეგად, ასევე, ჩატარებული საგამოძიებო ექსპერიმენტის დროს, მათ მიერ მითითებული ლოკაციებიდან ნივთმტკიცებად ამოიღეს სარეალიზაციოდ განთავსებული ნარკოტიკული საშუალებები, „ალფა-პვპ”, „მეთადონი“, და „ბუპრენორფინი”.
“საგამოძიებო კომისიაზე გახარიას მისვლა, პრინციპში, მოულოდნელია – რამდენადაც ვიცი, პოლიტიკური პარტიების საერთო პოზიცია, ამ კომისიასთან არ თანამშრომლობა იყო – ეს პოზიცია თუ შეიცვალა და რატომ შეიცვალა, გახარიას უნდა ჰკითხოთ”, – ამის შესახებ „პალიტრა ნიუსი“ , გადაცემა „დღის ნიუსრუმში“ პარტია „თავისუფლების მოედნის“ თავმჯდომარემ, ლევან ცუცქირიძემ განაცხადა.
“კარგია, რომ გიორგი გახარია [საგამოძიებო კომისიის სხდომაზე] მოდის. იმედია, ამომწურავად უპასუხებს იმ კითხვებს, რომელიც აქვს კომისიას” – ამის შესახებ პარლამენტის თავმჯდომარე, შალვა პაპუაშვილი აცხადებს.
ვენ არ მოგვწონს ბრიუსელის ქმედება თბილისთან მიმართებით, ჩვენ გვსურს, რომ ევროკავშირმა სამართლიანად იმოქმედოს, ორმაგი სტანდარტების გარეშე, – ამის შესახებ უნგრეთის საგარეო საქმეთა მინისტრმა, პიტერ სიიარტომ ანტალიაში ქართველ ჟურნალისტებს განუცხადა, რომელიც ანტალიის დიპლომატიის ფორუმზე იმყოფება.
სამწუხაროდ, ევროპარლამენტი და ევროპის საბჭოს საპარლამენტო ასამბლეა საქართველოს სათანადოდ არ ეპყრობიან, მე მათ ქართველი ხალხის თავისუფალი არჩევანის პატივისცემისკენ მოვუწოდებ, – ამის შესახებ თურქეთის ყოფილმა საგარეო საქმეთა მინისტრმა, ნატო-ს საპარლამენტო ასამბლეაში თურქეთის დელეგაციის ხელმძღვანელმა, მევლუთ ჩავუშოღლუმ ანტალიის დიპლომატიური ფორუმის ფარგლებში ქართველ ჟურნალისტებს განუცხადა.
აშშ-ის პრეზიდენტმა, დონალდ ტრამპმა ხელი მოაწერა სპეციალურ მემორანდუმს, რომლის თანახმადაც უნდა დადგინდეს, თუ რა კავშირი ჰქონდა კიბერუსაფრთხოებისა და უსაფრთხო ინფრასტრუქტურის სააგენტოს ყოფილ ხელმძღვანელს, კრისტოფერ კერბს, 2020 წლის საპრეზიდენტო არჩევნების სავარაუდო გაყალბებსთან, რა დროსაც, ჯო ბაიდენმა გაიმარჯვა. ინფორმაციას თეთრი სახლი ავრცელებს.
