საზოგადოებრივი მოძრაობა "ლელო" ანტისახელმწიფოებრივსა და ქვეყნის თავდაცვისუნარიანობისთვის დამაზიანებელს უწოდებს პრეზიდენტ სალომე ზურაბიშვილის მიერ გუშინ გაკეთებულ განცხადებას, რომ "არც ჯარი გვაქვს, არც იარაღი და არც გვექნება".
ართული ოცნების დეპუტატმა სოფო კილაძემ პრეზიდენტ სალომე ზურაბიშვილის განცხადება ჯარზე იმით გაამართლა, რომ "პრეზიდენტს სხვა რამის თქმა უნდოდა და ვერ გამოხატა".
"ჩვენ რა თქმა უნდა გვყავს ჯარი, ჩვენი შეიარაღებული ჯარები, რომლის იმედიც გვაქვს სამშობლოს დაცვის დროს. მე მგონია, რომ ქალბატონი სალომე სხვა რაღაცას გულისხმობდა. ალბათ იმის თქმა უნდოდა რომ ჩვენი ხსნა, ჩვენი მიმართულება არის განათლება, მეცნიერება. ამას გულისხმობდა, ალბათ, და ვერ გამოხატა, რისი თქმაც უნდოდა", — ამბობს დეპუტატი.
10 დეკემბერს ერთ-ერთ ღონისძიებაზე გამოსვლის დროს პრეზიდენტმა განაცხადა:
"არც ჯარი გვაქვს, არც იარაღი და არც გვექნება, არც ის ეკონომიკური ძალიან დიდი პოტენციალი, რომ დავიპყროთ, თუნდაც, რეგიონი. მაგრამ ჩვენ გვაქვს ის უზარმაზარი, ძალიან მაგარი იარაღი, რასაც ჰქვია, ცოდნა, მეცნიერება, კულტურა და ძალიან მდიდარი რეგიონი ამ მხრივ", — აღნიშნა ზურაბიშვილმა.
https://on.ge/
ცოტა გაკვირვებული ვარ ივანიშვილის გამონათქვამებით იმიტომ, რომ ასეთი რამ მხოლოდ რუსეთში მსმენია, - განაცხადა ევროპარლამენტარმა, ვიოლა ფონ კრამონმა, საზოგადოებრივი მაუწყებლის ეთერში “ქართული ოცნების“ ლიდერის, ბიძინა ივანიშვილის, განცხადებაზე რომ არასამთავრობო და კვლევითი ორგანიზაციები საქართველოში აშშ-ის სახელმწიფო ინტერესებს აზარალებენ.
“ძალიან კარგად ვარ ინფორმირებული საქართველოში მიმდინარე მოვლენების შესახებ და ცოტა გაკვირვებული ვარ ივანიშვილის გამონათქვამებით იმიტომ, რომ ასეთი რამ მხოლოდ რუსეთში მსმენია. პოლიტიკურ ფონდებს, საერთაშორისო ორგანიზაციებსა და ეროვნულ არასამთავრობო სექტორს მათი კრიტიკულობის გამო აკრიტიკებდე, ძალიან ცუდი სტილი და ცუდი დემოკრატიული პოზიციაა. მე, როგორც პოლიტიკოსმა, უნდა გავაცნობიერო და თვალი გავუსწორო კრიტიკას. თუ ამას არ გავაკეთებ, თუ ვერ გავაცნობიერებ, მაშინ პოლიტიკაში რა მესაქმება?. დიდი იმედი მაქვს მედიალანდშაფტი არ შეიცვლება საქართველოში, მრავალმხრივობა“, - თქვა ევროპარლამენტარმა.
შეერთებული შტატების საელჩო თბილისში, კონგრესი და საერთაშორისო განვითარების სააგენტო აცხადებენ, რომ ენ-დი-აი (NDI) და აი-არ-აი (IRI) მსოფლიოს გარშემო და საქართველოშიც დემოკრატიულ განვითარებას უწყობს ხელს და რომ ამერიკის ადმინისტრაცია და კონგრესი მათ გვერდით დგას.
"ქართული საზოგადოების დიდმა ნაწილმა, რუსი დიპლომატის გრიგორი კარასინის წინადადება საქართველოში რუსული კულტურის ცენტრის გახსნაზე, ეროვნული ინტერესების უგულებელყოფად და რუსულ ე.წ. რბილ ძალად შეაფასა, ოპოზიციის წარმომადგენლებმა კი ამ ინიციატივას ჯაშუშური უწოდეს.
“მმართველი გუნდი ოპოზიციის ახალ შემოთავაზებას, ერთმანდატიანი მაჟორიტარული ოლქები მრავალმანდატიანით შეიცვალოს, დიდი ალბათობით დათანხმდება, თუმცა, როგორც ანალიტიკოსთა გარკვეულ წრეებში საუბრობენ, ეს თანხმობა არ უკავშირდება ოპოზიციის მიერ ორგანიზებულ და მიმდინარე საპროტესტო აქციებს.
