„ქართული ოცნება“ ქვეყნის ევროინტეგრაციას საბოტაჟს უკეთებს"- ეკა გიგაური
„ქართული ოცნება“ ქვეყნის ევროინტეგრაციას საბოტაჟს სპეციალურად უკეთებს. იციან, რომ თუკი ისინი პრეზიდენტის იმპიჩმენტს მოახდენენ, ევროკავშირის კანდიდატი ქვეყნის სტატუსს ვერ მივიღებთ, - ამის შესახებ "საერთაშორისო გამჭვირვალობა - საქართველოს" აღმასრულებელმა დირექტორმა, ეკა გიგაურმა პრეზიდენტის იმპიჩმენტის პროცესთან დაკავშირებით განაცხადა.
მისივე თქმით, აღნიშნული პროცესი "ქართულმა ოცნებამ" სპეციალურად, ზუსტად იმ დროს დაიწყო, როდესაც ევროკავშირის მხრიდან პირველ შეფასებას ველით.
"ფაქტობრივად, ხელისუფლება ერჩის ადამიანს, რომელიც დადის ევროკავშირის ქვეყნებში, ხვდება იქ ლიდერებს და მათ სთხოვს, რომ საქართველოს სტატუსი მიანიჭონ. ეს, რა თქმა უნდა, ძალიან აშკარა იქნება ჩვენი დასავლელი პარტნიორებისთვის და ეს ძალიან კარგად იციან "ქართული ოცნების" წარმომადგენლებმა. ეს არ არის დამთხვევა. ამას სპეციალურად აკეთებენ. სპეციალურად უკეთებენ საბოტაჟს ქვეყნის ევროინტეგრაციას. იციან, რომ თუკი ისინი პრეზიდენტის იმპიჩმენტს გააკეთებენ, ჩვენ სტატუსს ვერ მივიღებთ", - განაცხადა გიგაურმა.
სიახლეები
- თბილისში არასრულწლოვანი დაჭრეს
- ,,დეცენტრალიზაცია არის ერთ-ერთი მნიშვნელოვანი მიმართულება, რაც ვფიქრობ, რეგიონების განვითარებას უფრო მეტად შეუწყობს ხელს"- დიმიტრი ხუნდაძე
- ტრამპი აცხადებს, რომ მან თავიდან აიცილა ბირთვული ომების გაჩაღება მთელ მსოფლიოში
- შსს-ს გენერალურმა ინსპექციამ სამსახურებრივი უფლებამოსილების ბოროტად გამოყენების ბრალდებით დაცვის პოლიციის თანამშრომელი დააკავა
- იმერეთში ყველის არალეგალური საწარმოები გამოავლინეს
