"სააკაშვილის ჯილდო,ადამიანის უფლებებსა და დემოკრატიის განმტკიცებაში პარადოქსულია"- არჩილ გამზარდია
პრემიერის განცხადებას, მიხეილ სააკაშვილის დაჯილდოებასთან დაკავშირებით ანალიტიკოსი არჩილ გამზარდია სოციალურ ქსელში გამოეხმაურა და აღნიშნა რომ პრემიერმა საზოგადოება შეცდომაში შეიყვანა, რადგან მან არ იცოდა რომ სააკაშვილი არა ნორვეგიამ, არამედ ერთ-ერთმა პარტიამ დააჯილდოვა.
"ბატონი პრემიერი, რომ აცხადებს, სააკაშვილის დაჯილდოვება იგივეა, რაც საქართველომ ბრეივიკი დააჯილდოვოსო, პრემიერი რომ ხარ, სანამ განცხადებას გააკეთებ, ხომ უნდა გაარკვიო სურათი და შემდეგ ილაპარაკო - სააკაშვილი ნორვეგიამ კი არა, ერთ-ერთმა პარტიამ დააჯილდოვა.
სახელმწიფოსა და ერთ-ერთ პარტიას შორის პრემიერი განსხვავებას ვერ უნდა ხედავდეს? დიპლომატიასა და ადეკვატურობაში ვინმემ წვრთნა ჩაუტარეთ, რომ ყოველ ჯერზე თავს გვჭრის სახელმწიფოს, რადგან ასეა თუ ისე, სახელმწიფოს წარმოადგენს პრემიერმინისტრი.
თავად ჯილდო, თუნდაც მხოლოდ ერთი პარტიისგან, ადამიანის უფლებებსა და დემოკრატიის განმტკიცებაში კი მართლაც პარადოქსულია, რადგან ადამიანის უფლებების სფერო იყო საკითხი, რასაც გადაჰყვა მისი ხელისუფლება და რის გამოც დღემდე ვერანაირ ემპათიას ვერ იღებს საქართველოს მოქალაქეების უმრავლესობისგან"- წერს არჩილ გამზარდია.
სიახლეები
- ქუთაისის მუნიციპალიტეტში 2023-2024 სასწავლო წლის მედალოსანთა დაჯილდოების საზეიმო ცერემონია გაიმართა
- ქუთაისელი პარამკლავჭიდელი მსოფლიო ჩემპიონი მეოთხედ გახდა
- “დიდი ბრიტანეთი პალესტინის სახელმწიფოს აღიარებას ამ კვირაში ოფიციალურად აპირებს” - მედია
- 18-მეტრიანი ავტობუსების მორიგი ნაკადი 27 სექტემბრიდან სხვადასხვა მარშრუტზე ეტაპობრივად გადანაწილდება
- “ნაკლებად გვაინტერესებს „ტემუდან“ გამოწერილი ჩინური „ქოცები“ გახარიას სახით, რას იტყვიან 4 ოქტომბერზე, რუსულ პროექტად და „ტროას ცხენად“ დარჩა - აღიარა, რომ მზად არის, საკუთარი ტყავის გადარჩენისთვის მთელ პროცესს უღალატოს” - ანა წითლიძე
