"არანაირი პარტიული სიმრავლე ამ ფლანგზე არ არსებობს, არის „ნაციონალური მოძრაობა“ და მისი ნაწილები"
არანაირი პარტიული სიმრავლე ამ ფლანგზე არ არსებობს, არის „ნაციონალური მოძრაობა“ და მისი ნაწილები, რომელიც ქმნიან ფასადს, თითქოს მრავალპარტიულობაა, – ამის შესახებ საქართველოს პარლამენტის თავმჯდომარემ, შალვა პაპუაშვილმა „სტრატეგია აღმაშენებლის“, „ლელოს“, „გირჩი – მეტი თავისუფლებასა“ და მოძრაობა „დროას“ ალიანსში შესაძლო გაერთიანებაზე დასმული კითხვის საპასუხოდ განაცხადა.
პაპუაშვილის შეფასებით, ეს არის თვალის ახვევისკენ გადადგმული კიდევ ერთი ნაბიჯი.
„საერთო ჯამში, რასაც ვხედავთ ერთი რადიკალური მიმართულების პარტიაა, მეორე – ლიდერები ამ პარტიის გახლავთ „ნაციონალური მოძრაობის“ ყოფილი ლიდერები. შესაბამისად, ერთადერთი დასკვნის თქმა შეიძლება ამასთან დაკავშირებით და დიდი ხანია, ამაზე ვსაუბრობთ, რომ სინამდვილეში არანაირი პარტიული სიმრავლე ამ ფლანგზე არ არსებობს. არის „ნაციონალური მოძრაობა“ და მისი ნაწილები, რომლებიც ქმნიან ფასადს, თითქოს არის მრავალპარტიულობა. სინამდვილეში კი არის ერთი მთლიანი, ამიტომ შესაკრებელთა გადანაცვლებით ჯამი არ იცვლება. ჯამი გამოსდით მათ ყოველთვის – „ნაციონალური მოძრაობა“. ასე რომ, ახლა არაფერი ახალი არაა ამ მხრივ. ეს არის კიდევ ერთი ნაბიჯი თვალის ახვევის და ფასადის შექმნის. სინამდვილეში, არანაირი გაყოფა, გაერთიანება არ ხდება. ეს გუნდი იყო ყოველთვის ერთიანი გუნდი, „ერთიანი ნაციონალური მოძრაობის“ გუნდი“, – განაცხადა პაპუაშვილმა.
სიახლეები
- ძილი და წონაში დაკლება: 6 საუკეთესო სასმელი ღამით წონის დასაკლებად
- "მაქსიმალურად მკაცრები ვიქნებით კანონის აღსრულების კუთხით ნებისმიერი ფორმის ექსტრემიზმის მიმართ, ეს საჭიროა, რათა საზოგადოება და ქვეყანა სწორად განვითარდეს "
- "ვლადიმერ პუტინმა იმედი გამიცრუა" - დონალდ ტრამპი
- ცესკოს თავმჯდომარე საოლქო და საუბნო საარჩევნო კომისიებს მიმართავს
- ცესკოს თავმჯდომარემ საერთაშორისო ორგანიზაციებისა და დიპლომატიური კორპუსის წარმომადგენლებს მიმდინარე საარჩევნო საკითხები გააცნო
