მთავრობას მეტი გონიერება მართებს, რომ ეს შემთხვევა ტრაგიკომედია არ გახდეს - გიორგი გახარია სააკაშვილზე
პარტია „საქართველოსთვის“ ლიდერის, გიორგი გახარიას განცხადებით, ექსპრეზიდენტი მიხეილ სააკაშვილი პოლიტიკური პატიმარი არ არის.
როგორც მან ჟურნალისტებს განუცხადა, ხელისუფლებას მეტი გონიერება მართებს, რომ მიხეილ სააკაშვილის ჯანმრთელობის მდგომარეობა ტრაგიკომედიად არ იქცეს.
„ძალიან კარგად მახსოვს, წინა არჩევნები იყო, მაშინ კომენტარი გავაკეთე, რომ საერთოდ სააკაშვილის საქართველოში ჩამოსვლა ეს იყო ორგანიზებული კომედია, რომელიც არჩევნების წინა დღეს მოგვიწყვეს. ეს ყველაფერი გადაივლის, ქართველი ამომრჩეველი დაფიქრდება, რა ხდებოდა პირველი ტურის და მეორე ტურის შემდეგ. მთავრობას მეტი გონიერება მართებს, რომ ეს ტრაგიკომედია არ გახდეს. მიშა სააკაშვილი პოლიტპატიმარი არ არის, მაგრამ ეს არ ნიშნავს იმას, რომ სახელმწიფო აპარატმა ქვეყნის ყოფილი პრეზიდენტის ჯანმრთელობაზე არ უნდა იზრუნოს. რა თქმა უნდა, ყველა პატიმარს უნდა ჰქონდეს სახელმწიფოს მხრიდან სრული ზრუნვა მათ ჯანმრთელობაზე და ეს სახელმწიფოს ვალდებულებაა. კიდევ ერთხელ მინდა ვუთხრა, ისე არ გააკეთონ, რომ სახელმწიფო და ქვეყანა დააზიანონ“, - განაცხადა გახარიამ.
ცნობისთვის, საქართველოს ყოფილი პრეზიდენტი,მიხეილ სააკაშვილი რუსთავის ციხეში 30-ე დღეა შიმშილობს.
სიახლეები
- "უწმინდესმა გვასწავლა, რომ ჭეშმარიტი ძალა სიმდაბლეშია, რომ ნამდვილი გამარჯვება რეალური სიმტკიცეა" - როგორ იხსენებენ პატრიარქს
- საქართველოს კათოლიკოს-პატრიარქი ილია მეორე სიონის ტაძარში დაკრძალეს
- "უფალმა ილია მეორე მოავლინა მარტო კაცად და უბრუნდება მთელი ერით - ასე ხილულად, ასე ერთად, ასე გამთლიანებულად, როგორც ეს ამ დიდებულ დღეებში გაცხადდა"
- "გამხნევდით ძმანო და შვილნო, თქვენი პატრიარქი და მამა არ მომკვდარა, არამედ სძინავს, სწორედ პატრიარქ ილიაზეა ნათქვამი: „მკვდარი ცოცხალია“, რამეთუ მართალი მკვდარნი ცოცხლობენ"
- "ილია მეორის მოღვაწეობა გამოირჩეოდა სიბრძნითა და მაღალი მორალური ავტორიტეტით, რამაც მას უდიდესი პატივისცემა მოუტანა როგორც საქართველოში, ასევე მის ფარგლებს გარეთ"
