ცალკეულ დასახლებულ პუნქტებში, რომლებზე კონტროლიც რუსულმა ჯარმა დროებით დაამყარა, აგრესორი არღვევს საერთაშორისო ჰუმანიტარულ სამართალს, ტყვედ აჰყავს და აწამებს ადგილობრივ მოსახლეობას,- ამის შესახებ ინფორმაციას უკრაინის შეიარაღებული ძალების გენშტაბი ავრცელებს.
„ვლადიმერ პუტინი უკრაინის წინააღმდეგ წარმოებულ საინფორმაციო ომში მარცხდება“, – ამ სათაურით აქვეყნებს სტატიას ამერიკის შეერთებული შტატების ერთ-ერთი ყველაზე დიდი ანალიტიკური ორგანიზაცია „ატლანტიკური საბჭო“. სტატიის ავტორი შვედი პოლიტოლოგი და ეკონომისტი ანდერს ოსლანდია.
ბორის ჯონსონი შიშობს, რომ რუსეთმა შესაძლოა, უკრაინაში ქიმიური იარაღი გამოიყენოს, – ამის შესახებ დიდი ბრიტანეთის პრემიერ-მინისტრმა „სქაი ნიუსთან“ ინტერვიუს დროს განაცხადა.
უკრაინა პარტნიორებისგან ელოდება რეალურ გადაწყვეტილებას და არა აბსტრაქტულ შემოთავაზებებს. „უნიანის“ ინფორმაციით, ამის შესახებ უკრაინის პრეზიდენტმა ვოლოდიმირ ზელენსკიმ ვიდეომიმართვისას განაცხადა.
არ მინდა ამის დაჯერება, ბირთვულ ომზე საუბარი იყო მხოლოდ დასავლეთის მხრიდან, როგორ შეიძლება, საერთოდ ამაზე ვიფიქროთ, ასეთი რამ როგორ შეიძლება, მოხდეს, – ამის შესახებ რუსეთის საგარეო საქმეთა მინისტრმა სერგეი ლავროვმა განაცხადა, რომელმაც უპასუხა ჟურნალისტის კითხვას: „ბირთვული ომის დაწყების გჯერათ?“.
ჩვენ სერიოზულად ვართ მზად, განვიხილოთ უკრაინის უსაფრთხოების გარანტიები, ჩვენ არ გვექნება ილუზიები, რომ დასავლეთი იქნება სანდო პარტნიორი, – ამის შესახებ რუსეთის საგარეო საქმეთა მინისტრმა, სერგეი ლავროვმა განაცხადა.
