დიზაინერი მარინა გოგუა მსოფლიოს სხვადასხვა ქვეყნის სპორტსმენებისთვის სამოსს ქმნის, რომლითაც ისინი ოლიმპიადებსა და მსოფლიო ჩემპიონატებზე გამოდიან. წელს, პარიზში, ოლიმპიადაზე მისი კოსტიუმებით, ჯგუფურ მხატვრულ ტანვარჯიშში გამოდიან საფრანგეთის, ისრაელისა და ავსტრიის სპორტსმენები.
ქუთაისის მერის მოვალეობის შემსრულებელი დავით ერემეიშვილი და საკრებულოს თავმჯდომარე ირაკლი შენგელია კომპანია "კულინარში" იმყოფებოდნენ, სადაც საწარმოს საქმიანობას გაეცნენ.
პოლიტოლოგი სოსო ცისკარიშვილი 75 წლის ასაკში გარდაიცვალა. ამის შესახებ ინფორმაციას მისი ახლობლები ავრცელებენ.
ჯანდაცვის მინისტრის მიხეილ სარჯველაძის განცხადებით, ლუგარის ლაბორატორიის ან დაავადებათა კონტროლის ცენტრის დახურვაზე საუბარი არ არის.
გარემოს ეროვნული სააგენტოს ცნობით, თბილისში 5-6 აგვისტოს მოსალოდნელია უმეტესად უნალექო ამინდი, 7 აგვისტოს დღისით შესაძლებელია, დაფიქსირდეს ხანმოკლე წვიმა ელჭექით, იქროლებს ჩრდილო-დასავლეთის ქარი 10-15 მ/წმ. 7-8 აგვისტოს ქალაქის გარეუბნებში დროგამოშვებით შესაძლებელია ქარის 18-20 მ/წმ-მდე გაძლიერება. ჰაერის ტემპერატურა +32 +34 გრადუსი დაფიქსირდება.
სურსათის ეროვნული სააგენტოს ინფორმაციით, ნედლი რძის 63 ნიმუშიდან ბრუცელოზი 3 შემთხვევაში გამოვლინდა. ამასთან, რძისა და რძის ნაწარმის 90-ზე მეტი ნიმუშიდან მცენარეული ცხიმის შემცველობა ყველის სამ ნიმუშში აღმოჩნდა.
