„ინსტაგრამი“ რუსეთში მუშაობას დღეს შუაღამიდან შეწყვეტს, მას შემდეგ რაც მისმა მფლობელმა „მეტამ” განაცხადა, რომ არ აკრძალავს მომხმარებელთა იმ შეტყობინებებს, რომლებიც რუსული ჯარების და ლიდერების სიკვდილს ეხება.
უკრაინის ქალაქ ირპინში ამერიკელი ჟურნალისტი მოკლეს. ამის შესახებ „ბიბისი“ კიევის სამართალდამცავ ორგანოზე დაყრდნობით ავრცელებს ინფორმაციას.
ბავშვთა საავადმყოფოების და სამოქალაქო სამიზნეების დაბომბვა არის ბარბაროსული და არავითარი სტრატეგიული მიზეზი არ გააჩნია, – ამის შესახებ რომის პაპმა ფრანცისკემგანაცხადა.
უკრაინის ქალაქ ჩერნიგოვში რუსეთის საოკუპაციო ჯარებმა 9-სართულიანი საცხოვრებელი კორპუსი დაბომბეს, არის მსხვერპლი. ამის შესახებ „ბიბისი“ უკრაინის საგანგებო სიტუაციების სამსახურზე დაყრდნობით ავრცელებს ინფორმაციას.
უკრაინა მზად არის მოლაპარაკებებისთვის, ომის დასრულების მიზნით, მაგრამ არ დანებდება და არ მიიღებს რაიმე სახის ულტიმატუმს, – „როიტერის“ ცნობით, ამის შესახებ უკრაინის საგარეო საქმეთა მინისტრმა, დმიტრო კულებამ განაცხადა.
რუსეთს შეუძლია უკრაინის დედაქალაქის აღება მხოლოდ იმ შემთხვევაში, თუ ის „ქალაქს მიწასთან გაასწორებს“, - ამის შესახებ უკრაინის პრეზიდენტმა ვოლოდიმირ ზელენსკიმ კიევში გამართულ პრესკონფერენციაზე განაცხადა. ინფორმაციას „როიტერსი“ ავრცელებს.
