ანტიკორუფციული ბიუროს ხელმძღვანელმა რაჟდენ კუპრაშვილმა მედიასთან საუბრის დროს განმარტა, ვის შეეხება ე.წ. ქართული FARA. კანონი „ქართული ოცნების“ სადავო პარლამენტმა 1 აპრილს მიიღო და აღმასრულებელ უწყებად სწორედ ანტიკორუფციული ბიურო განსაზღვრა.
„ფარას კანონი შეიძლება შეეხოს როგორც მედიას, ისე არასამთავრობო ორგანიზაციებს, ისე ფიზიკურ პირებს... ერთია, რომ უცხოეთიდან დაფინანსებას უნდა იღებდეს კონკრეტული ორგანიზაცია და ამავდროულად [აწარმოებდეს] იმ პოლიტიკურ საქმიანობას, რაც კანონს აქვს განსაზღვრული“, - თქვა რაჟდენ კუპრაშვილმა.
იმის მიუხედავად, რომ ის მედია და არასამთავრობო ორგანიზაციები, რომელთა წინააღმდეგაც კანონი შეიძლება გამოიყენონ, მას „ქართული ოცნების“ რეპრესიის გაგრძელებად აღიქვამენ, რაჟდენ კუპრაშვილი ამბობს, რომ „ქართულ ფარას“ ექნება დადებითი მხარე:
„აქ არ არის არანაირი საუბარი შეზღუდვების დაწესებაზე. პირიქით, ეს კიდევ უფრო გააჯანსაღებს იმ პროექტების წარმოჩენას, რაც დონორი ორგანიზაციების ხელით ხორციელდება ჩვენს ქვეყანაში“.
საქართველოს პრემიერ-მინისტრი ირაკლი კობახიძე, სკოლის დამთავრებას ულოცავს ყველა მოსწავლეს, რომელიც დღეს ცხოვრების ახალ ეტაპს იწყებს.
წვევამდელთა ეროვნულ სამხედრო სამსახურში გაწვევისას, სამედიცინო შემოწმების მიზნით სამედიცინო საექსპერტო კომისიაზე გამოუცხადებლობა, პირის 1000 ლარით დაჯარიმების საფუძველი გახდება.
გრიპი, რომელიც გართულებით მიმდინარეობს, ბოლო კვირებში აღარ დაფიქსირებულა, ის ჩანაცვლებულია რესპირაციულ-სინციტიური ვირუსით, - ამის შესახებ იაშვილის სახელობის ბავშვთა ცენტრალური საავადმყოფოს სამედიცინო დირექტორმა, თსსუ-ის პროფესორმა, ივანე ჩხაიძემ განაცხადა.
იმერეთში სახელმწიფო რწმუნებულის პირველ მოადგილედ მამუკა ხიმშიაშვილი დაინიშნა. სახელმწიფო რწმუნებულმა ლევან ზალკანიანმა ახალი მოადგილე თანამშრომლებს წარუდგინა და წარმატებები უსურვა.
ქუთაისის მუნიციპალიტეტში მუზეუმების საერთაშორისო დღე აღინიშნა. პროფესიულ დღესასწაულთან დაკავშირებით,ქუთაისის მუზეუმების ღვაწლმოსილ და წარმატებულ თანამშრომლებს მადლობის სიგელები და ფულადი ჯილდოები გადაეცათ. ღონისძიებას ნიკო ბერძენიშვილის სახელობის ქუთაისის სახელმწიფო ისტორიულმა მუზეუმმა უმასპინძლა.
