გარემოს ეროვნული სააგენტოს ინფორმაციით, 27 თებერვლამდე დასავლეთ საქართველოში შენარჩუნებული იქნება რთული მეტეოროლოგიური პირობები.
ბრძოლა ყოველთვის ღირს, 25 თებერვალი არის ბრძოლის სიმბოლო და არა დაჩოქების! - სხვა არც ერთი წყაროდან არ მოდის ომის საფრთხე, გარდა რუსეთისა და ეს თუ ვერ გავიგეთ საქართველომ, მაშინ არ ვიცი რა გავიგეთ ჩვენი ისტორიიდან, - ამის შესახებ საქართველოს მეხუთე პრეზიდენტმა, სალომე ზურაბიშვილმა განაცხადა.
დიდთოვლობამ იმერეთის ყველა მუნიციპალიტეტში გარკვეული პრობლემები შექმნა. ინტენსიური თოვის გამო მუნიციპალიტეტების უმეტეს ნაწილში სკოლებში და ბაღებში სწავლის პროცესი შეჩერებულია.
ანაკლიის პორტის კერძო პარტნიორთან კონტრაქტი შესაძლებელია გაზაფხულზე გაფორმდეს.
დღეს, უკრაინის წინააღმდეგ რუსეთის აგრესიის დაწყებიდან სამი წლის შემდეგ, საქართველო და ქართველი ხალხი უკრაინის გვერდით დგას , - ამის შესახებ განცხადებას საქართველოს მეხუთე პრეზიდენტი, სალომე ზურაბიშვილი ავრცელებს.
უკრაინის პრეზიდენტის, ვოლოდიმირ ზელენსკის განცხადებით, ყველა უკრაინელი ტყვის გათავისუფლება ომის დასრულებისკენ გადადგმული ერთ-ერთი ნაბიჯი უნდა იყოს. ზელენსკიმ კიევში მიმდინარე ღონისძიებაზე „დაუჭირე მხარი უკრაინას“ განაცხადა, რომ უკრაინა მზადაა გაცვალოს ტყვეები „ყველა ყველასათვის“ ფორმატში და ეს სამართლიანი ვარიანტია.
რუსეთის ფედერაცია მზად არის უკრაინაზე მოლაპარაკებისთვის, მაგრამ შეაჩერებს სამხედრო მოქმედებებს მხოლოდ იმ შემთხვევაში, თუ შედეგი რუსულ მხარეს დააკმაყოფილებს, - ამის შესახებ რუსეთის საგარეო საქმეთა მინისტრმა, სერგეი ლავროვმა თურქეთის საგარეო საქმეთა მინისტრ ჰაკან ფიდანთან შეხვედრის შემდეგ გამართულ პრესკონფერენციაზე განაცხადა.
ორმაგ სტანდარტზე რომ იდგა ევროპის ძირითადი სახელმწიფოები, ამიტომაც არის, რომ ჩამოიშალნენ მისი მთავრობები - შოლცი სად არის?! როთი?! კრამონი?! ფოტიგა?! კუბილიუსი? სად არიან ჟიგმანტუსები და გიჟმანტუსები?! - ვენაცვალე ტრამპს და მასკს! სამართლიანობა მოდის! - ამის შესახებ „ქართული ოცნების“ დეპუტატმა, ირაკლი ზარქუამ ჟურნალისტებთან განაცხადა.
უკრაინელებმა 3 წელი იბრძოლეს ნახევრად მარტოებმა, რა თქმა უნდა, მათ დასავლეთი ეხმარებოდა, თუმცა ეს არ იყო ის დახმარება არც შეიარაღებით არც ფულით, რომ ამხელა იმპერიისთვის [რუსეთი] წინააღმდეგობა გაეწიათ - ზელენსკი პუტინისგან განსხვავებით პრეზიდენტობისთვის არ იბრძვის,- ამის შესახებ „ევროპული კვლევების ცენტრის“ დირექტორმა, „რონდელის ფონდის“ მკვლევარმა კახა გოგოლაშვილმა, რუსეთ-უკრაინის ომის დაწყებიდან 3 წლისთავთან დაკავშირებით, „ინტერპრესნიუსთან“ განაცხადა.
უხვმა ნალექმა პრობლემები შექმნა იმერეთის რეგიონშიც. თოვლის საფარმა მაღალმთიან ზონაში 80 სანტიმეტრს მიაღწია. დიდთოვლობაა ვანშიც. მუნიციპალიტეტში ამ დროისთვის თოვლის საფარისგან წმენდის სამუშაოები მიმდინარეობს.
