ე.წ. მთავარი ოპოზიცია, „ნაციონალური მოძრაობა“ და მათი პოლიტიკური გემი იძირება, დავით კეზერაშვილი ცდილობს, ამ გემისგან გადარჩენილი ნაწილებით ნავი ან ტივი მაინც შეაკოწიწოს, – ამის შესახებ საპარლამენტო უმრავლესობის წევრმა არჩილ თალაკვაძემ განაცხადა.
რადიკალურ ოპოზიციას „ნაცმოძრაობის“ მეთაურობით აქვს კონკრეტული ვიწროპარტიული ინტერესი, რომ ხელი შეუშალონ ქვეყანას 12 პუნქტის შესრულებაში, გაეთიშონ პროცესს და ყველანაირად ეცადონ დესტრუქციული საშუალებებით, რაც შეიძლება მეტად შეულახონ რეპუტაცია ამ მუშაობას. ხელისუფლებას წარმოდგენილი აქვს კონკრეტული გეგმა თითოეულ პუნქტთან დაკავშირებით და გარდა იმისა, რაც უკვე შესრულებულია, მომავალშიც ეს ტენდენცია და პროცესი უწყვეტად გაგრძელდება , - ამის შესახებ უმრავლესობის წევრმა მიხეილ სარჯველაძემ განაცხადა.
ერთიანდებიან ქალბატონი ლიაკა, ბატონი ვაშაძე და „გირჩი“, ეს ნიშნავს, რომ ნულს პლუს ნული, პლუს გირჩი არის ნული, – ასე აფასებს კულტურის მინისტრი თეა წულუკიანი „დროას“, „სტრატეგია-აღმაშენებლის“ და „გირჩი – მეტი თავისუფლების“ შესაძლო გაერთიანებას.
ვის რა მოეწონება და ვინ როგორ აგვიქნევს ხელს, საქართველოს ხელისუფლება და საპარლამენტო უმრავლესობა ასე არ აპირებს თავისი საქმიანობის გაგრძელებას, განსაკუთრებით, დეოლიგარქიზაციის კანონპროექტთან დაკავშირებით, – განაცხადა საპარლამენტო უმრავლესობის წევრმა, გია ცაგარეიშვილმა საქართველოს პირველი არხის ეთერში.
სალომე ზურაბიშვილმა უნდა შეიწყალოს არა მარტო ნიკა გვარამია, არამედ მიხეილ სააკაშვილიც, - ამის შესახებ „სტრატეგია აღმაშენებლის“ ლიდერმა გიორგი ვაშაძემ ჟურნალისტებს განუცხადა.
