ძალიან საინტერესო იყო ამერიკის ელჩის განცხადება ანაკლიასთან დაკავშირებით - მისი შეფასება აბსოლუტურად ობიექტური და სწორი იყო, - ამის შესახებ „ევროოპტიმისტების“ დეპუტატმა, რომან გოცირიძემ ჟურნალისტებთან საუბრისას განაცხადა.
საქართველო შესაძლოა, ძალიან დიდხანს დარჩეს ევროკავშირის მოსაცდელ ოთახში. ჩვენ ყველა არგუმენტი მივაწოდეთ საქართველოს მთავრობას და პარლამენტს, თუნდაც მათ თქვან, რომ ლეგიტიმური არგუმენტები არ გაუგიათ, - ამის შესახებ საქართველოში ესტონეთის ელჩმა რიინა კალიურანდმა „ინტერპრესნიუსთან“ ინტერვიუში განაცხადა.
ევროკავშირის ელჩმა საქართველოში პაველ ჰერჩინსკიმ მედიასთან საუბარში გულდასაწყვეტი უწოდა პროცესს, რომლის გამოც საქართველოს ევროკავშირში ინტეგრაცია პრაქტიკულად გაყინულია. მისი სიტყვებით, მომავალ კვირაში ლუქსემბურგში ევროკავშირის საგარეო საქმეთა მინისტრების დონეზე განიხილება საქართველოში „აგენტების კანონის“ მიღების საპასუხო ზომების საკითხი.
ჩინეთი, ჩრდილოეთ კორეა და ირანი მხარს უჭერენ რუსეთის ომს უკრაინის წინააღმდეგ, მათ სურთ, რომ ამერიკის შეერთებული შტატები და ნატო დამარცხდნენ, - ამის შესახებ ნატო-ს გენერალურმა მდივანმა იენს სტოლტენბერგმა განაცხადა.
მე არ ვარ ის კაცი, ვინც ვინმეს დაარწმუნებს ვინ არ ვარ, მე ყველას ვუყვები ვინ ვარ , - ასე უპასუხა პარტია "ახალის" თანათავმჯდომარემ, ნიკა გვარამიამ, ჟურნალისტების შეკითხვას იმასთან დაკავშირებით, თუ როგორ არწმუნებს ის ამომრჩეველს, რომ აღარაა "ნაციონალურ მოძრაობაში".
ივანიშვილის ხელისუფლება მორიგ დეზინფორმაციას ავრცელებს მაშინ, როდესაც ევროკავშირის ათჯერ უფრო მეტი დახმარება სწორედ სახელმწიფო უწყებებს ხმარდება, - ამის შესახებ „ერთიანი ნაციონალური მოძრაობის“ თავმჯდომარემ, თინა ბოკუჩავამ განაცხადა.
