"მინდა, ქართველ ხალხს კიდევ ერთხელ გადავუხადო მადლობა იმ მაღალი სამოქალაქო პასუხისმგებლობისთვის, რომელიც მათ 31 ოქტომბერს გამოიჩინეს და დღესაც. მიუხედავად იმისა, რომ  კოვიდი ბობოქრობს, მაინც დიდი პასუხისმგებლობა გამოავლინა ამომრჩეველმა. 

ამასთან, შეგახსენებთ, რომ ყველა ქვეყანამ ხაზგასმით აღნიშნა, რომ არჩევნები კონკურენტულ გარემოში ჩატარდა. შედეგად მივიღეთ პარლამენტში 9 პარტიის წარმომადგენლობა, რაც მისასალმებელია. ზოგიერთი პოლიტიკური პარტია კი, ზედმეტად გადაჭარბებული ემოციით და ამბიციურად აფიქსირებს პოზიციას. მე ვფიქრობ, რომ საღი აზრი აჯობებს და ჩვენ ჭეშმარიტად მრავალპარტიულ პარლამენტს მივიღებთ.

დარწმუნებული ვარ, რომ ყველაფერი კარგად იქნება," - განაცხადა ბიძინა ივანიშვილმა. 

დღეს საქართველოში საპარლამენტო არჩევნების მეორე ტური მიმდინარეობს, რომელსაც ოპოზიცია ბოიკოტს უცხადებს.