“თვითმმართველობის არჩევნებზე: ვინმეს თუ უნდა აგვისტოში ზღვაზე წასვლა, წავიდეს, დაისვენოს, ჩვენ ბრძოლას ვაპირებთ” - ირაკლი კუპრაძე
ჩვენ მათ [ოპოზიციას] არ ვპასუხობთ არც საპასუხო კრიტიკით და არც რაიმე ტიპის საპასუხო ბრალდებებით, მარტივი მიზეზის გამო, ჩვენ არ ვიქნებით ოპოზიციის ოპოზიცია. თუ ისინი აპირებენ, რომ ოპოზიციის ოპოზიციად ფორმირდნენ, ეს მათი არჩევანია. ჩვენ ვართ ივანიშვილის ოპოზიცია და ვაპირებთ ბრძოლის გაგრძელებას, – ამის შესახებ „ლელო – ძლიერი საქართველოს“ გენერალურმა მდივანმა, ირაკლი კუპრაძემ „ღამის კურიერის“ ეთერში განაცხადა.
როგორც მან აღნიშნა, ისინი თვითმმართველობის არჩევნებზე ბრძოლას აპირებენ.
„ვინმეს თუ უნდა აგვისტოში ზღვაზე წასვლა, წავიდეს, დაისვენოს, ჩვენ ბრძოლას ვაპირებთ, მათ შორის, საარჩევნო უბნებზე, სოფლებში, ქალაქებში, რიგ მუნიციპალიტეტებში და ა.შ. ჩვენ ვცდილობთ, რომ ეს ძალები გავაერთიანოთ და მოქალაქეებს, მათ შორის, იმ ჩუმ უმრავლესობას, რომელიც რეპრესიის ქვეშ არის, მივცეთ პროტესტის გამოხატვის შესაძლებლობა, განსაკუთრებულად დედაქალაქში, სადაც 66% პროდასავლური ოპოზიციის მხარდამჭერია და 25% უჭერს მხოლოდ „ქართულ ოცნებას“. ამ შანსის ხელიდან გაშვება დიდი შეცდომაა“, – განაცხადა ირაკლი კუპრაძემ.
სიახლეები
- ძაძიკი
- სკოლებში სასწავლო წელი დაიწყო
- “ძვირფასო მოსწავლეებო, სტუდენტებო, პატივცემულო მასწავლებლებო და მშობლებო, გულითადად გილოცავთ სასწავლო წლის დაწყებას” - ირაკლი კობახიძე
- ტრამპმა ისევ აღიარა, რომ უკრაინაში ომის დასრულება რთული ყოფილა და ისევ მოითხოვა რუსული ნავთობის შეძენის შეწყვეტა
- “სანქციები, რომელსაც ისინი რუსებს უწესებენ, საკმარისად მკაცრი არ არის, ისინი მხოლოდ ლაპარაკობენ და არ მოქმედებენ - ნავთობს რუსეთისგან ყიდულობენ” - დონალდ ტრამპი ევროპაზე
