“ექვს დიდ ქალაქში ვიომოთ, დანარჩენებში – ბოიკოტი, საერთო კანდიდატები, თბილისში სალომე ზურაბიშვილი ლიდერი და ჩვენ მის გარშემო” - ალეკო ელისაშვილი
ექვს დიდ ქალაქში ვიომოთ, დანარჩენებში – ბოიკოტი, საერთო კანდიდატები, თბილისში სალომე ზურაბიშვილი ლიდერი და ჩვენ მის გარშემო, – ამის შესახებ კოალიცია „ძლიერი საქართველოს“ ერთ-ერთმა ლიდერმა, ალეკო ელისაშვილმა „ტვ პირველის“ ეთერში განაცხადა.
მისი თქმით, ოპოზიციას ერთ მუშტად შეკვრა სჭირდება.
„კომპრომისებისთვის მზად ვართ. მარტო თბილისში, გვინდა, ვიომოთ? ვიომოთ. არ მივართვათ თბილისი ლანგრით. ჩემი იდეალური სცენარია ექვს დიდ ქალაქში ვიომოთ, დანარჩენებში ბოიკოტი, საერთო კანდიდატები, ყველანი ამ საერთო კანდიდატებისთვის დარაზმონ. თბილისში სალომე ზურაბიშვილი ლიდერი და ჩვენ მის გარშემო. არ გვინდა ასე კატეგორიულად ლაპარაკი, ყველანი განსაცდელში ვართ, კომპრომისული გადაწყვეტილება მივიღოთ, შევთანხმდეთ. ერთობა, ერთ მუშტად შეკვრა გვჭირდება. მაგიდაზე ვდებთ კომპრომისულ ვერსიებს – 63 მუნიციპალიტეტში ბოიკოტი, თბილისში ბრძოლა, დანარჩენ საქართველოში ბოიკოტი, ექვს ქალაქში ბრძოლა. ემოციები გადავდოთ და ბრძოლის სტრატეგიაზე ვიფიქროთ“, – განაცხადა ელისაშვილმა.
სიახლეები
- იმერეთში სახელმწიფო რწმუნებულმა ლევან ზალკალიანმა, ჩინეთის სახალხო რესპუბლიკაში, კუეიიანგის ეკო ფორუმში მიიღო მონაწილეობა
- პროკურატურამ ალექსი ახვლედიანს ბრალდება წარუდგინა
- ელენე ხოშტარია 5000 ლარით დააჯარიმეს პოლიციელებისთვის „მონის“ დაძახების გამო
- ისრაელის პრემიერმინისტრმა ბენიამინ ნეთანიაჰუმ 7 ივლისს აშშ-ს პრეზიდენტ დონალდ ტრამპს უთხრა, რომ მან იგი ნობელის მშვიდობის პრემიაზე წარადგინა
- კომბოსტოს სალათი
