“ჩვენთვის არ აქვს მნიშვნელობა, მიიღებს თუ არა ოპოზიცია არჩევნებში მონაწილეობას, თუმცა, ამ გადაწყვეტილებამ კიდევ ერთხელ დაადასტურა, რომ ოპოზიცია ფინანსდება და იმართება ქვეყნის გარედან” - ვლადიმერ ბოჟაძე ევროპარლამენტის მოწოდებაზე
,,ჩვენ ვემზადებით ამ არჩევნებში გამარჯვებისთვის. თუმცა, ამ გადაწყვეტილებამ კიდევ ერთხელ დაადასტურა, რომ ოპოზიცია ფინანსდება და იმართება ქვეყნის გარედან”, – ასე გამოეხმაურა გარემოს დაცვისა და ბუნებრივი რესურსების საპარლამენტო კომიტეტის თავმჯდომარის პირველი მოადგილე ვლადიმერ ბოჟაძე, ევროპარლამენტის მოწოდებას ოპოზიციის მიმართ, რომ ადგილობრივი თვითმმართველობის არჩევნებში მონაწილეობა მიიღონ.
მისი შეფასებით, ამ მოწოდებით ევროპარლამენტმა ოპოზიციას არჩევნებში მონაწილეობისთვის მწვანე შუქი აუნთო.
„ეს რეზოლუცია კიდევ ერთხელ ადასტურებს და ჩვენც ვსაუბრობდით, რომ ოპოზიცია, რომელსაც ქვეყნის შიგნით მხარდაჭერა არ გააჩნია, მხარდაჭერასაც და დაფინანსებასაც ქვეყნის გარედან ელოდებოდა. აი, პირველი სიგნალი უკვე გამოჩნდა. მათ ფაქტობრივად, მწვანე შუქი აუნთეს, რომ მიიღონ არჩევნებში მონაწილეობა. მათ [ოპოზიციას] საკუთარ ამომრჩეველთან, რომელსაც უკვე 7 თვეა, ატყუებენ, რომ თითქოს, არჩევნები გაყალბდა, ექნებათ გასამართლებელი საბუთი, რომ აი, თურმე, ევროპარლამენტმაც კი მოუწოდა არჩევნებში მონაწილეობისკენ. ჩვენთვის არ აქვს მნიშვნელობა, მიიღებს თუ არა ოპოზიცია არჩევნებში მონაწილეობას, ან რა ფორმით მიიღებს, ჩვენ ვემზადებით ამ არჩევნებში გამარჯვებისთვის. თუმცა, ამ გადაწყვეტილებამ კიდევ ერთხელ დაადასტურა, რომ ოპოზიცია ფინანსდება და იმართება ქვეყნის გარედან“, – განაცხადა ბოჟაძემ.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
