საბა ბუაძის თქმით, პარტიიდან გარიცხეს დეპუტატი, რომელიც საკრებულოს თავმჯდომარის არჩევაში „ოცნებას“ დაეხმარა
გუშინ, 23 მაისს თბილისის საკრებულოს ახალ თავმჯდომარედ „ქართული ოცნების“ წევრი ზურაბ აბაშიძე აირჩიეს. როგორც ოპოზიციონერი პოლიტიკოსი, საბა ბუაძე აცხადებს, ხელისუფლებაში მყოფ პარტიას კვორუმის შექმნაში მათი თანაგუნდელი დაეხმარა.
„ძლიერი საქართველოს“ („ლელო“) ლიდერი „ფეისბუკში“ წერს, რომ ამ მიზეზის გამო მიხეილ კაკაურიძე პარტიიდან გარიცხეს. ბუაძე ამბობს, რომ ყოფილმა თანაგუნდელმა დაარღვია „2024 წლის 26 ოქტომბრის არჩევნების მიტაცების შემდეგ არსებული პოლიტიკური ბოიკოტი“.
„სამწუხაროდ, საერთო ოპოზიციური ბოიკოტის და მკაფიო მოწოდების მიუხედავად, “ძლიერი საქართველოს” გლდანის შტაბის წარმომადგენელმა და საკრებულოს წევრმა, მიხეილ კაკაურიძემ, რომელიც 2024 წელს შემოგვიერთდა, დაარღვია აღნიშნული ბოიკოტი და დაეხმარა “ქართულ ოცნებას” კვორუმის შექმნაში, რის გამოც როგორც “ძლიერი საქართველოს” თბილისის ორგანიზაციის თავმჯდომარემ და თბილისის შტაბის ხელმძღვანელმა, მივიღე გადაწყვეტილება შევწყვიტოთ თანამშრომლობა მიხეილ კაკაურიძესთან და ის გაირიცხოს ჩვენი რიგებიდან“, - აცხადებს საბა ბუაძე.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
