“გიგა ბოკერია დღემდე არის ივანიშვილის მთავარი და შეუცვლელი დასაყრდენი ოპოზიციაში და ამას ვერ შენიღბავს მისი ცრუ ვერბალური თავდასხმები ბიძინასა და მის რეჟიმზე” - მაია ორჯონიკიძე
2016 წლის საპარლამენტო არჩევნების დღიდან ვამბობ და ხელს ვაწერ იმაზე, რასაც ვამბობ: გიგა ბოკერია იყო და დღემდე არის რუსი ივანიშვილის მთავარი და შეუცვლელი დასაყრდენი ოპოზიციაში და ამას ვერ შენიღბავს მისი ცრუ ვერბალური თავდასხმები ბიძინასა და მის რეჟიმზე, – ამის შესახებ “ნაციონალური მოძრაობის” ყოფილი წევრი, მაია ორჯონიკიძე სოციალურ ქსელში წერს.
მისი განცხადებით, სწორედ გიგა ბოკერიამ გაყო შუაზე “ნაციონალური მოძრაობა” 2016 წელს და მანვე გახადა მიხეილ სააკაშვილის პოლიტიკური ბულინგი ტრენდული.
“2016 წლის საპარლამენტო არჩევნების დღიდან ვამბობ და ხელს ვაწერ იმაზე, რასაც ვამბობ: გიგა ბოკერია იყო და დღემდე არის რუსი ივანიშვილის მთავარი და შეუცვლელი დასაყრდენი ოპოზიციაში და ამას ვერ შენიღბავს მისი ცრუ ვერბალური თავდასხმები ბიძინასა და მის რეჟიმზე. ადამიანი, რომელსაც მართლა გააჩნდა ინტელექტუალური ბაგაჟი და ამით კიდევ უფრო საშიში გახდა ქართული სახელმწიფოებრიობისთვის, უნაკლოდ ასრულებდა რეჟიმის მთავარ მითითებებს-გადამწყვეტ 2016 წელს სწორედ მან გაყო შუაზე ენმ, იმ დროს ერთადერთი ძლიერი ოპოზიციური პარტია. სწორედ მან გახადა ოპოზიციაში ტრენდული პირადად მიხეილ სააკაშვილის პოლიტიკური ბულინგი, რასაც შემდეგ სხვებიც აჰყვნენ, რაც პირდაპირ სუსის ნარატივში ჯდებოდა. გიგა ბოკერია, რომელიც მიშას შემდეგ გავლენით ფაქტობრივად მეორე ადამიანი იყო წინა ხელისუფლების დროს-ერთადერთია იმდროინდელი უმაღლესი ეშელონიდან, ვინც არათუ დაკავებული, დაკითხულიც კი არასოდეს ყოფილა რუსული რეჟიმის მიერ. ამ დონის ჩანერგილი ბიძინას სხვა არავინ ჰყოლია და ვინც ამას ვერ ხვდება, უბრალოდ გონება სუსტია. კარგია, რომ იღვიძებს ხალხი ნელ-ნელა. ყველაფერს ვერ ვამბობ, რომ სხვა ადამიანები არ დავაზიანო სანამ რუსული რეჟიმია ამ ქვეყანაში, მაგრამ მაქვს იმის ფაქტობრივი დადასტურება რაც ახლა დავწერე. მოვა დრო და ამას საჯაროდ ვიტყვი.” – წერს მაია ორჯონიკიძე.
სიახლეები
- “გავა დრო და სტრასბურგის სასამართლოს მიერ მზია ამაღლობელის საქმეზე გამოტანილი გადაწყვეტილებით დადუმებული ელჩები, გაიხსენებენ, როგორ შეცდნენ, როგორც არაერთხელ, ქართული სასამართლოს განაჩენის შეფასებაში” - შალვა პაპუაშვილი
- “პირველი ემოცია, რაც მაქვს, არის მადლობა ყველას მიმართ - სახლში რომ მივალ, ალბათ, შოკში ჩავვარდები - ბრძოლა ბოლომდე!” - გიორგი ახობაძე
- რუსთავი-თბილისის გზაზე ერთმანეთს ცემენტმზიდი და მუნიციპალური ავტობუსი შეეჯახა - შემთხვევის შედეგად 9 ადამიანი დაშავდა
- “მზია ამაღლობელი გაუტეხელი, ძლიერი ადამიანის სიმბოლოა, მასთან რეჟიმი მთავარში - ღირსების ბრძოლაში დამარცხდა” - გიორგი გახარია
- „თავისუფლება რეჟიმის ტყვეებს” - ამ ლოზუნგით, გამოცემა „ბათუმელების“ ოფისთან აქცია მიმდინარეობს
