"გვჭირდება გრძელვადიანი, კარგად გათვლილი სტრატეგია იმისთვის, რომ მაქსიმალურად შევამციროთ ნარკომომხმარებელთა რაოდენობა"- ვლადიმერ ბოჟაძე
„გვჭირდება გრძელვადიანი, კარგად გათვლილი სტრატეგია იმისთვის, რომ მაქსიმალურად შევამციროთ ნარკომომხმარებელთა რაოდენობა. განსაკუთრებით მნიშვნელოვანია ამ თვალსაზრისით კანონის გამკაცრება ნარკორეალიზატორებთან მიმართებით“, – ამის შესახებ გარემოს დაცვისა და ბუნებრივი რესურსების საპარლამენტო კომიტეტის თავმჯდომარემ, ვლადიმერ ბოჟაძემ „ქართული ოცნების“ მიერ ინიციირებულ საკანონმდებლო პაკეტზე განაცხადა, რომელიც ქვეყანაში არსებული ნარკოპოლიტიკის გამკაცრებას ითვალისწინებს.
მისი თქმით, შეიქმნება პროგრამები, რომელიც დაეხმარება ნარკოდამოკიდებულ ადამიანებს დაუბრუნდნენ ცხოვრების ჯანსაღ წესს.
„იცით, რომ ნარკოდამოკიდებულება ერთ-ერთი მთავარი პრობლემა და გამოწვევაა ჩვენს ქვეყანაში. სამწუხაროდ ათიათასობით ადამიანია, რომლებიც ნარკოტიკს მოიხმარს. გვჭირდება გრძელვადიანი, კარგად გათვლილი სტრატეგია იმისთვის, რომ მაქსიმალურად შევამციროთ ნარკომომხმარებელთა რაოდენობა. განსაკუთრებით მნიშვნელოვანია ამ თვალსაზრისით კანონის გამკაცრება ნარკორეალიზატორებთან მიმართებით. იცით, რომ დაზუსტდება დოზები, სხვა რეგულაციები ამ მიმართულებით, თუმცა მეორეს მხრივ, გაგრძელდება ყველა ის პროგრამა და დამატებით შეიქმნება პროგრამები, რომელიც დაეხმარება ნარკოდამოკიდებულ ადამიანებს დაუბრუნდნენ ცხოვრების ჯანსაღ წესს. ჩვენ ვიქნებით მკაცრები და დაუნდობლები სწორედ ნარკორეალიზატორების მიმართ და არა – ნარკომომხმარებლების“, – აღნიშნა ბოჟაძემ.
სიახლეები
- “"ძალიან მძიმე საყურებელია რაც ხდება. ვისაც გიხარიათ ან ვისთვისაც ეს სულ ერთია, ძალიან მალე საკუთარ თავზე გამოცდით რას ნიშნავს როცა უსამართლობისგან ვერც ერთი სახელმწიფო უწყება დაგიცავთ” - ლონდა თოლორაია
- 4 000 ლარით დააჯარიმეს ბაია პატარაია ფეისბუკ-სტატუსის გამო
- “ჩორჩანაში საგუშაგოს ჩადგმის შედეგად, არ დაგვიკარგავს არცერთი გოჯი მიწა” - “საქართველოსთვის”
- ,,სიძემ სიმამრი მოკლა” – რას ამბობენ ადგილობრივები ხაშურში მომხდარ მკვლელობაზე
- კარტოფილის ღვეზელი
