"ოპოზიციაში არის არეულობა, რადგან როდესაც თავის მიზანს ვერ მიაღწიეს, ამან დაბნეულობა გამოიწვია"- მამუკა მდინარაძე
ოპოზიციაში არის არეულობა, რადგან როდესაც თავის მიზანს ვერ მიაღწიეს, ამან დაბნეულობა გამოიწვია, – ამის შესახებ „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა, ფრაქცია „ქართული ოცნების“ თავმჯდომარე მამუკა მდინარაძემ ოპოზიციაში მიმდინარე მოვლენების შეფასებისას განაცხადა.
როგორც მან აღნიშნა, ოპოზიციას საერთო პატრონი ჰყავს, საერთო დავალებებით მოქმედებს, საერთო ადგილებიდან იმართება და საერთო მიზნისთვის მოქმედებს.
„ოპოზიციაში არის არეულობა იმიტომ, რომ მათ ჰქონდათ მოლოდინი და არა მარტო მათ სამწუხაროდ, მათ მომხრეებსაც არასწორი მოლოდინი გაუჩინეს თავისი ძალით მუხტის შექმნის რაღაც მოგონილი ნარატივებით. როდესაც თავის მიზანს ვერ მიაღწიეს, ამან დაბნეულობა გამოიწვია. „ნაცმოძრაობამ“ საერთოდ ოფისი გაყიდა, ჩამოიშალა მთლიანად. ჩვენი ერთ-ერთი დაპირებაც ეს იყო სხვათა შორის. ისინი ცდილობენ, რომ რაღაც ერთმანეთს გადააბრალონ. ეს ადამიანური მომენტებია, თორემ საერთო პატრონი ჰყავთ, საერთო დავალებებით მოქმედებენ, საერთო ადგილებიდან იმართებიან და საერთო მიზნისთვის მოქმედებენ. შიდა დაპირისპირება და ვინ ვისზე განაწყენდება, ვინ ვის დააბრალებს საკუთარ წარუმატებლობას, არც არის საინტერესო“, – განაცხადა მდინარაძემ.
სიახლეები
- ჩოხატაურის საკრებულოს ყოფილ თავმჯდომარეს გირაო პატიმრობით შეუცვალეს
- ,,თუ რაიმე არის საუკუნოვანი ბრენდი, ეს იყო საქართველოს პოლიტექნიკური ინსტიტუტი, რომელიც 1992 წელს ისე გააქრეს"- ირაკლი კობახიძე
- ილონ მასკი ისტორიაში პირველი ადამიანი გახდა, რომლის ქონებამ 800 მილიარდ დოლარს გადააჭარბა
- ,,ილიას სახელმწიფო უნივერსიტეტის რექტორის მცდელობა, აკადემიური საზოგადოება და სტუდენტები ჩართოს პოლიტიკურ პროცესებში, პირდაპირ კავშირშია საქართველოს უსაფრთხოებასა და სუვერენიტეტთან"- ეკა სეფაშვილი
- ,,ამოღებულია განსაკუთრებით დიდი ოდენობით ნარკოტიკული საშუალება „ტეტრაჰიდროკანაბინოლი“ და ,,გამომშრალი მარიხუანა” – შსს-მ 2 პირი დააკავა
