მისივე თქმით, სამხედრო მოქმედებათა მართვაში უხეში ჩარევით მივიღეთ ის, რომ ჯარმა ვერ შეასრულა ამოცანა, მათ არ მისცეს საშუალება განეხორციელებინათ ის, რაც იყო დაგეგმილი და რაც მათ უნდა გაეკეთებინათ.

„ჩვენს დანაყოფებს არ მისცეს საშუალება შეეტიათ ჯავის დაცვის ზღუდისთვის. როკის გვირაბთან ვერ მივიდოდით თუ არ გადავლახავდით ჯავის დაცვის ზღუდეს. ასე რომ საუბარი იმაზე, რომ როკის გვირაბის ჩაკეტვის საშუალება არ მიეცათ – დიახ არ მიეცათ, იმიტომ, რომ უხეში ჩარევით სამხედრო მოქმედებათა მართვაში მივიღეთ ის, რომ ჯარმა ვერ შეასრულა ამოცანა, ვერ შეასრულებინეს – პრინციპული განსხვავებაა. არა იმიტომ, რომ ჩვენი ჯარისკაცები, ოფიცრები იყვნენ სუსტები, არ იცოდნენ თავიანთი საქმე, ვერ აკეთებდნენ, მათ არ მისცეს საშუალება განეხორციელებინათ ის, რაც იყო დაგეგმილი და რაც მათ უნდა გაეკეთებინათ. ერთადერთი გზა არის, რომელიც მოდის ჯავიდან ცხინვალის მიმართულებით, ის უნდა აფეთქებულიყო, ჩვენი ინჟინრები აპირებდნენ ამის გაკეთებას და მათ არ მისცეს ამის უფლება“, – განაცხადა ლაშა ქოიავამ.