“გაკვირვებული კითხულობდა ჟურნალისტი, აქციის მონაწილეები პარლამენტის შიგნით არ იყვნენ და როგორ დააზიანესო, თქვენ სხვაგან იყურებოდით? ვერ ხედავდით, როგორ იწვოდა საქართველოს პარლამენტის ოთახები? ფასადიდან ჩანდა, ცეცხლი როგორ წაუკიდეს საქართველოს პარლამენტს და როგორ იწვოდა. ამის ფონზე, ზოგიერთი დიპლომატი და ელჩი გვეუბნებოდა, რომ ეს „მშვიდობიანი აქცია“ იყო. ამ ყველაფერს, რომ ხედავ ადამიანი, როგორ გინდა გჯეროდეს, რომ რაიმე ღირებულებებთან აქვს კავშირი სხვადასხვა ევროპელ ელჩს თუ დიპლომატს, რომელიც პარლამენტისთვის ცეცხლის წაკიდებას, „მშვიდობიან აქციას“ ეძახის.

ფაქტობრივი ზიანი უკვე არის 100 ათას ლარზე მეტი, რაც არის ზიანის აღმოსაფხვრელად გაწეული ხარჯები. ასევე, სხვადასხვა აღჭურვილობა და ინვენტარი, რომელიც დაზიანდა, ამ ზიანის შეფასება ხდება. ჩვენ ვვარაუდობთ, რომ დაახლოებით ნახევარ მილიონ ლარამდეა ზიანი, რაც მიადგა“, – განაცხადა პაპუაშვილმა.