„თანამდებობას“ ტოვებს ასლან ბჟანია - ოკუპირებული აფხაზეთის ე.წ. პრეზიდენტი
ოკუპირებული აფხაზეთის ე.წ. ხელისუფლებისა და “ოპოზიციის” წარმომადგენლებმა მოლაპარაკებების შემდეგ ხელი მოაწერეს შეთანხმებას, რომლის მიხედვითაც ე.წ. პრეზიდენტი, ასლან ბჟანია„თანამდებობიდან“ გადადგება, – ინფორმაციას ბჟანიას “პრესსამსახური” ავრცელებს.
აქციის მონაწილეები მოლაპარაკების შედეგებს ელოდნენ, რომელიც, დაახლოებით, 8 საათს გაგრძელდა და დე ფაქტო პრეზიდენტის, ასლან ბჟანიას “გადადგომის” შეთანხმებით დასრულდა.
„ქვეყანაში სტაბილურობისა და კონსტიტუციური წესრიგის შენარჩუნების მიზნით, აფხაზეთის რესპუბლიკის პრეზიდენტის პოსტიდან გადადგომას ვაცხადებ “, – ნათქვამია ბჟანიას განცხადებაში.
ასევე, შეთანხმების მიხედვით, ე.წ. სამთავრობო შენობების კომპლექსის ტერიტორიაზე შეკრებილი მოქალაქეები 19 ნოემბერს უნდა დაიშალონ, ამ პუნქტის შეუსრულებლობის შემთხვევაში ბჟანია „გადადგომაზე“ უარს განაცხადებს. დღეს, აფხაზეთის ე.წ. პარლამენტი ბჟანიას „გადადგომის“ საკითხს განიხილავს, მის მოვალეობას კი ე.წ. ვიცე-პრეზიდენტი ბადრა გუნბა შეასრულებს. ამასთან, ოკუპირებული აფხაზეთის ყველა ე.წ. სამინისტროს, მათ შორის ძალოვანი სტრუქტურების ხელმძღვანელები თავიანთ „თანამდებობებზე“ რჩებიან.
სიახლეები
- ,,ლელოს” დააწყებინეს კამპანია, მერე გაწიეს ,,ლელო”, გადააბარეს ,,ალტ ინფოს” და ,,პატრიოტთა ალიანსს”, ჩართული ჰყავთ უცხოეთიდან დაფინანსებული ,,ენჯეოებიც”- ირაკლი კობახიძე
- „კაია კალასის ნათქვამი მიგვანიშნებს, რომ ამ ადამიანებს არასწორი წარმოდგენა აქვთ თავისუფლებაზე"- ნინო წილოსანი
- მართლმადიდებელი ეკლესია დღეს ბარბარობის დღესასწაულს აღნიშნავს
- სამართალდამცველებმა განსაკუთრებით დიდი ოდენობით ნარკოტიკული საშუალებების საქართველოში უკანონოდ შემოტანის ფაქტი აღკვეთეს
- საქართველოდან გააძევეს უცხო ქვეყნის 43 მოქალაქე
